Ósk um heim­ild til efnis­töku í Selja­dals­námu

Af­greiðsla 1258. fund­ar bæj­ar­ráðs sam­þykkt á 672. fundi bæj­ar­stjórn­ar með níu at­kvæð­um.

Jó­hanna B. Han­sen (JBH), fram­kvæmda­stjóri um­hverf­is­sviðs, mætti á fund­inn und­ir þess­um lið.

Sam­þykkt með þrem­ur at­kvæð­um að fela fram­kvæmda­stjóra um­hverf­is­sviðs að hefja við­ræð­ur við Mal­bik­un­ar­stöð­ina Höfða um frá­g­ang Selja­dals­námu í sam­ræmi við ákvæði eldri samn­ings.

Bók­un M-lista Íbúa­hreyf­ing­ar­inn­ar:
Bæj­ar­full­trúi Íbúa­hreyf­ing­ar­inn­ar tel­ur að setja eigi hags­muni íbúa á svæð­inu í af­ger­andi forg­ang í stað þess að leyfa áfram­hald­andi efnis­töku.
Það eru íbú­arn­ir í þessu sveit­ar­fé­lagi sem skipta mestu máli og við erum til þess hér að gæta hags­muna þeirra í nú­tíð og fram­tíð.
Íbúa­hreyf­ing­in ít­rek­ar því þá ósk sína að íbú­ar í ná­grenni námunn­ar njóti for­gangs fram yfir þá sem þarna vilja taka efni. Um­ferð þunga­flutn­inga­bíla er mjög íþyngj­andi fyr­ir þá og fel­ur í sér ryk­meng­un, há­vaða og eyði­legg­ingu á veg­um. Á með­an að Hafra­vatns­veg­ur er ekki mal­bik­að­ur er þessi efn­istaka á eng­an hátt verj­andi.

Bók­un V- og D- lista:
Bæj­ar­full­trú­ar verða ávallt að horfa til hags­muna heild­ar­inn­ar. Í um­ræddu máli er ver­ið að vinna mál­ið fag­lega og óskað um­sagna fag­að­ila um um­rætt er­indi. Með því upp­fyll­ir bæj­ar­stjórn þá meg­in­reglu stjórn­sýslu­lag­anna sem er rann­sókn­ar­skyld­an. Ekki hef­ur enn ver­ið tekin ákvörð­un um hvort efn­is­vinnslu verði hætt í Selja­dal en þar er efn­is­vinnsla sam­kvæmt að­al­skipu­lagi. Bæj­ar­full­trú­ar V og D lýsa yfir furðu sinni við ófag­lega af­stöðu bæj­ar­full­trúa Íbúa­hreyf­ing­ar­inn­ar. Bæj­ar­full­trúi Íbúa­hreyf­ing­ar­inn­ar virð­ist vilja ganga fram­hjá fag­legu og eðli­legu ferli og taka af­stöðu áður en mál er fullupp­lýst.

Bók­un S-lista Sam­fylk­ing­ar:
Það mál sem hér er til um­ræðu er á því stigi að ver­ið er að afla upp­lýs­inga og gagna til þess að hægt sé að kom­ast að nið­ur­stöðu varð­andi fram­gang er­ind­is­ins frá Höfða. Eng­in ákvörð­un hef­ur ver­ið tekin, hvorki af eða á og verð­ur ekki fyrr en að lok­inni fag­legri skoð­un.

Anna Sig­ríð­ur Guðna­dótt­ir
Ólaf­ur Ingi Ósk­ars­son

Bók­un M-lista Íbúa­hreyf­ing­ar­inn­ar:
Bók­an­ir D- , S- og V-lista eiga að mati Íbúa­hreyf­ing­ar­inn­ar ekki við rök að styðj­ast. Búið er að meta magn efn­is í námunni og vinna mat á um­hverf­isáhrif­um, fá álit Skipu­lags­stofn­un­ar o.fl. Rann­sókn­ar­skyldu hef­ur því nú­þeg­ar ver­ið full­nægt. Það eina sem eft­ir stend­ur er að taka póli­tíska ákvörð­un um fram­hald­ið.

Af­greiðsla 1242. fund­ar bæj­ar­ráðs sam­þykkt á 663. fundi bæj­ar­stjórn­ar með níu at­kvæð­um.

Sam­þykkt með þrem­ur at­kvæð­um að vísa er­ind­inu til um­sagn­ar fram­kvæmda­stjóra um­hverf­is­sviðs og lög­manns.

Bók­un M- lista Íbúa­hreyf­ing­ar­inn­ar:
Bæj­ar­full­trúi Íbúa­hreyf­ing­ar­inn­ar lýs­ir sig mót­fall­inn því að hald­ið verði áfram efnis­töku í Selja­dals­námu. Þunga­flutn­ing­ar í tengsl­um við grjót­nám­ið rýra lífs­gæði íbúa á af­ger­andi hátt, auk þess sem veg­irn­ir eru ekki í því ástandi til að taka við um­ferð bíl­anna um Hafra­vatns­veg. Íbúa­hreyf­ing­in tel­ur að Mos­fells­bær eigi að sjá til þess að íbú­um líði vel og tel­ur það vega þyngst í þessu máli, ekki stuðla­bergs­mynd­an­ir sem mögu­lega koma í ljós við spreng­ing­ar í námunni eins og full­trúi V-lista hef­ur lagt höf­uð­áherslu á í þessu máli.