Mál númer 202502318
- 26. febrúar 2025
Afgreiðslufundur skipulagsfulltrúa #89
Borist hefur erindi og fyrirspurn frá Gunnari Sigurðssyni, dags. 11.02.2025, með ósk um stækkun og einnar hæðar viðbyggingu húss að Hamratúni 6. Tillagan sýnir 60 m² stækkun til norðvesturs sem skiptist í 37 m² stofu og 23 m² sólstofu. Heildarstærð húss fer úr 169,4 m² í 229,4 m², í samræmi við gögn.
Þar sem að ekki er í gildi deiliskipulag sem uppfyllir ákvæði skipulagslaga nr. 123/2010 og skipulagsreglugerðar nr. 90/2013 samþykkir skipulagsfulltrúi, í samræmi við afgreiðsluheimildir skipulagsfulltrúa í samþykktum um stjórn Mosfellsbæjar, að áformin skuli grenndarkynnt skv. 1. og 2. mgr. 44. gr. skipulagslaga. Með fyrir vara um uppfærð gögn sem sýna betur afstöðu og fjarlægðir, skal tillaga send aðliggjandi hagaðilum og þinglýstum eigendum fasteigna að Hamratúni 4, 6 , Hlíðartúni 5, 7 og 9 til kynningar og athugasemda. Auk þess verða gögn aðgengileg á vef Mosfellsbæjar, mos.is.