Rekst­ur deilda janú­ar til júní 2022

Af­greiðsla 324. fund­ar fjöl­skyldu­nefnd­ar sam­þykkt á 812. fundi bæj­ar­stjórn­ar með 11 at­kvæð­um.

Rekst­ur deilda fjöl­skyldu­sviðs janú­ar - júní lagð­ur fram til kynn­ing­ar og um­ræðu.

Bók­un bæj­ar­full­trúa D lista:
Árs­hluta­reikn­ing­ur Mos­fells­bæj­ar fyr­ir fyrstu 6 mán­uði árs­ins 2022 sýna að al­menn­ur rekst­ur gekk vel og var í sam­ræmi við þau markmið um þjón­ustu við íbúa sem sett voru.

Skatt­tekj­ur fyrstu 6 mán­uði árs­ins eru hærri en áætlan­ir gerðu ráð fyr­ir og það end­ur­spegl­ar áfram­hald­andi hrað­ari við­snún­ing at­vinnu­lífs­ins í kjöl­far heims­far­ald­urs­ins. Kostn­að­ur er í takti við áætlan­ir með litl­um frá­vik­um.

Rekst­ur mála­flokka gekk vel og er í góðu sam­ræmi við fjár­hags­áætlun. Þá var áfram mik­ið fram­kvæmt á tíma­bil­inu og þá sér­stak­lega í við­haldi og end­ur­bót­um fast­eigna sveit­ar­fé­lags­ins.

Há verð­bólga ger­ir það að verk­um að út­koma fyrstu 6 mán­aða árs­ins er lak­ari en áætlan­ir gerðu ráð fyr­ir vegna auk­ins fjár­magns­kostn­að­ar.
Íbú­um í Mos­fells­bæ fjölg­ar áfram en traust­ur dag­leg­ur rekst­ur og sterk fjár­hags­staða þrátt fyr­ir tíma­bund­in ytri áföll gera sam­fé­lag­inu kleift að veita íbú­um góða þjón­ustu sem hef­ur ver­ið að aukast og mun gera áfram. Fram­kvæmd­ir á veg­um Mos­fells­bæj­ar hafa á und­an­förn­um árum ver­ið mikl­ar og mun sú þró­un halda áfram enda sveit­ar­fé­lag­ið í vexti.

Þrátt fyr­ir meiri halla vegna verð­bólgu er fjár­hags­staða Mos­fells­bæj­ar sterk og er það vegna góðr­ar og ábyrgr­ar fár­mála­stjórn­un­ar mörg und­an­farin ár. Það er mik­il­væg­ast í því efna­hags­ástandi sem nú rík­ir að nýr meiri­hluti og reynd­ar bæj­ar­stjórn öll haldi áfram vand­aðri og ábyrgri fjár­mála­stjórn svo áfram verði hægt að bæta okk­ar þjón­ustu enn frek­ar ásamt því að halda áfram upp­bygg­ingu á inn­við­um í takt við fjölg­un bæj­ar­búa.

Mik­il­væg er áfram­hald­andi góð sam­vinna starfs­fólks og kjör­inna full­trúa svo markmið ná­ist og von­andi næst að brýna alla til áfram­hald­andi góðra verka á næstu miss­er­um.

Bók­un bæj­ar­full­trúa B, C og S lista:
Í fjár­hags­áætlun fyr­ir árið 2022 var gert ráð fyr­ir rekstr­araf­gangi upp á rúm­ar 200 m.kr. en nið­ur­staða fyrstu 6 mán­aða var halli upp á tæp­an milljarð. Það er því al­veg ljóst að nið­ur­staða er veru­lega langt frá áætlun bæj­ar­ins sem er mjög mið­ur. Frá­vik­in skýrast ekki ein­ung­is af ut­an­að­kom­andi ástæð­um eins og hárri verð­bólgu þó svo að hún vegi vissu­lega þungt. Nið­ur­stað­an sýn­ir okk­ur að sveigj­an­leiki í rekstri bæj­ar­ins er ekki nægj­an­leg­ur til þess að takast á við áskor­an­ir eins og um­fangs­mikl­ar en nauð­syn­leg­ar um­bæt­ur á Kvísl­ar­skóla.

Verð­bæt­ur vegna auk­inn­ar verð­bólgu á ár­inu aukast veru­lega enda Mos­fells­bær með næst hæsta skulda­hlut­fall­ið af sveit­ar­fé­lög­un­um á höf­uð­borg­ar­svæð­inu árið 2021 eða 134%, sem í krón­um tal­ið var 1.391.595 kr. á íbúa. Gjald­færð­ur kostn­að­ur vegna reikn­aðra verð­bóta af lang­tíma­lán­um á fyrstu 6 mán­uð­um árs­ins er 466 m.kr. hærri en gert var ráð fyr­ir. Því mið­ur er ekki út­lit fyr­ir ann­að en að verð­bólg­an hald­ist há það sem eft­ir lif­ir árs þann­ig að ljóst er að árið 2022 er þungt í rekstri bæj­ar­fé­lags­ins.

Bók­un bæj­ar­full­trúa D lista:
Fjár­hags­staða Mos­fells­bæj­ar er sterk þrátt fyr­ir nið­ur­stöð­ur fyrstu sex mán­aða árs­ins. Auk­inn halli er fyrst og fremst vegna ut­an­að­kom­andi ástæðna auk auk­inn­ar skulda­söfn­un­ar m.a. vegna tekju­falls í kjöl­far heims­far­ald­urs­ins 2020 og 2021. Í Mos­fells­bæ sem er ört stækk­andi sveit­ar­fé­lag hafa ver­ið fram­kvæmd­ir upp á u.þ.b. tvo til þrjá millj­arða ár­lega und­an­farin ár m.a. í upp­bygg­ingu inn­viða og við­haldi fast­eigna sveit­ar­fé­lags­ins. Hluti af þeim kostn­aði hef­ur kom­ið með auk­inni lán­töku auk fjár­magns úr eig­in rekstri sveit­ar­fé­lags­ins. Það er því eðli­legt að skuld­ir sveit­ar­fé­lags­ins hafi auk­ist tíma­bund­ið en lang­tíma fjár­hags­áætlan­ir gera ráð fyr­ir að skuld­ir verði greidd­ar hratt nið­ur á næstu árum.

***
Af­greiðsla 1547. fund­ar bæj­ar­ráðs sam­þykkt á 811. fundi bæj­ar­stjórn­ar með 11 at­kvæð­um.

Pét­ur J. Lockton fjár­mála­stjóri fór yfir yf­ir­lit yfir rekst­ur deilda janú­ar til júní 2022.

***
Bók­un B, C og S lista:
Það lá ljóst fyr­ir þeg­ar meiri­hluti Fram­sókn­ar, Sam­fylk­ing­ar og Við­reisn­ar tók við í Mos­fells­bæ að sveit­ar­fé­lag­ið væri skuld­sett vegna fjár­fest­inga síð­ustu ára og örs vaxt­ar sveit­ar­fé­lags­ins. Árs­hluta­upp­gjör­ið sýn­ir hversu mik­il áhrif breytt­ar ytri að­stæð­ur hafa á rekstr­ar um­hverfi bæj­ar­ins til hins verra.

Til þess að sveit­ar­fé­lag­ið sé bet­ur í stakk búið til að þess að takast á við svona sveifl­ur er mik­il­vægt að að styrkja tekju­stofna sveit­ar­fé­lags­ins og mun­um við leggja mikla áherslu á það.