Sam­komulag um skipu­lag og fjár­mögn­un upp­bygg­ing­ar á sam­göngu­inn­við­um.

Sam­komulag um skipu­lag og fjár­mögn­un upp­bygg­ing­ar á sam­göngu­inn­við­um sem bæj­ar­stjóri Mos­fells­bæj­ar und­ir­rit­aði þann 26. sept­em­ber 2019 með fyr­ir­vara um sam­þykki bæj­ar­stjórn­ar Mos­fells­bæj­ar er sam­þykkt að lokn­um tveim um­ræð­um í bæj­ar­stjórn Mos­fells­bæj­ar með 8 at­kvæð­um. Bæj­ar­full­trúi M- lista greið­ir at­kvæði gegn sam­þykkt sam­komu­lags­ins.

Bók­un S-lista: Tíma­mót í sam­starfi rík­is­ins og sveit­ar­fé­lag­anna á höf­uð­borg­ar­svæð­inu urðu með sam­komulag að­il­anna um skipu­lag og fjár­mögn­un upp­bygg­ing­ar á sam­göngu­inn­við­um á höf­uð­borg­ar­svæð­inu. Sam­komu­lag­ið mark­ar þátta­skil í lofts­lags­mál­um fyr­ir svæð­ið og Ís­land allt og mark­ar þátta­skil í sam­göngu­mál­um á höf­uð­borg­ar­svæð­inu. For­gangsr­að­að er í þágu kom­andi kyn­slóða og um­hverf­is­ins með stór­sókn í al­menn­ings­sam­göng­um og efl­ingu hjóla­stíga­nets svæð­is­ins. Markmið sam­komu­lags­ins eru skýr og það er fjár­magn­að þann­ig að fram­kvæmda­tími fer úr 50 árum nið­ur í 15 ár. Næstu skref eru að samn­ings­að­il­ar stofni fé­lag í kring­um fram­kvæmd­irn­ar, fari í hönn­un­ar­ferli og nauð­syn­leg­ar skipu­lags­breyt­ing­ar og hefji síð­an fram­kvæmd­ir.

Bók­un V- og D- lista: Sam­komulag rík­is og sveit­ar­fé­laga á höf­uð­borg­ar­svæð­inu um sam­göngu­fram­kvæmd­ir er tíma­móta­áfangi þar sem sett hef­ur ver­ið fram sam­eig­in­lega sýn á for­gangs­röðun fram­kvæmda. Um er að ræða fram­kvæmd­ir sem snúa að mik­il­væg­um stofn­veg­um, al­menn­ings­sam­göng­um, göngu- og hjóla­stíg­um og að­gerð­um til að auka um­ferð­ar­flæði og bæta ör­yggi. Mik­il­vægt er eins og fram kem­ur í sam­komu­lag­inu að álög­ur á al­menn­ing verði ekki um­fram al­menn­an ávinn­ing not­enda af flýt­ingu fram­kvæmda. Fyr­ir Mos­fells­bæ er ánægju­legt að tvö­föld­un Vest­ur­lands­veg­ar í gegn­um bæ­inn verði að veru­leika, fram­kvæmd­ir við stofn­vegi að Mos­fell­bæ verði flýtt til að minnka bið­tíma og Borg­ar­lína til Mos­fell­bæj­ar verði að veru­leika.

Bók­un M-lista: Full­trúi Mið­flokks­ins í Mos­fells­bæ vill árétta að ,,Sam­komulag um skipu­lag og fjár­mögn­un upp­bygg­ing­ar á sam­göngu­inn­við­um á höf­uð­borg­ar­svæð­inu" er van­bú­ið og ekki nægj­an­leg gögn til­tæk til að kjörn­ir full­trú­ar eigi að geta tek­ið upp­lýs­andi ákvörð­un um kostn­að og áhættu varð­andi þetta ann­ars áhuga­verða verk­efni sbr. 10. gr. Stjórn­sýslu­laga nr. 37/1993. Þar seg­ir m.a.: ,,Stjórn­vald skal sjá til þess að mál sé nægj­an­lega upp­lýst áður en ákvörð­un er tekin í því". Eng­in gögn liggja að baki þess­um áform­um er varð­ar fram­kvæm­ar- og fjár­hags­áhættu sem aug­ljós­lega er til stað­ar sem og fjöl­marga aðra áhættu­þætti. Árétta skal að hvert og eitt stjórn­vald ber ábyrgð á að vinna til­svar­andi gögn sem tek­ið er fyr­ir hverju sinni sem telja megi nauð­syn­leg áður en ákvörð­un er tekin. Að auki skal áréttað að Sunda­braut hef­ur ver­ið frestað og verð­ur ekki hluti af þessu verk­efni sem er mjög mið­ur fyr­ir Mos­fell­inga.

Bók­un Stefáns Óm­ars Jóns­son­ar, bæj­ar­full­trúa L lista Vina Mos­fells­bæj­ar: Bæj­ar­full­trúi Vina Mos­fells­bæj­ar vill ekki leggja stein í götu fyr­ir­liggj­andi sam­komulag rík­is og sveit­ar­fé­laga um skipu­lag og fjár­mögn­un upp­bygg­ing­ar á sam­göngu­inn­við­um til og með árs­ins 2033, í þeirri von að þau at­riði í fyr­ir­liggj­andi sam­komu­lagi sem enn­þá eru ekki fullút­færð og eða óljós, fái við­un­andi lend­ingu. Bæj­ar­full­trú­inn vill þar með ekki bregða fæti fyr­ir þau verk­efni í sam­komu­lag­inu sem horfa til fram­fara að hans mati svo sem upp­bygg­ingu mann­virkja sem greiða eiga fyr­ir um­ferð og beð­ið hafa allt of lengi. Bæj­ar­full­trú­inn áskil­ur sér þó all­an rétt og fyr­ir­vara hvað varð­ar: -End­an­lega nið­ur­stöðu varð­andi stofn- og rekstr­ar­kostn­að­ar, og þá fyrst og fremst borg­ar­línu og Strætó, þeg­ar sá kostn­að­ur ligg­ur fyr­ir. -Hvað varð­ar fyr­ir­komulag þess fé­lags sem stofna á -Hvað varð­ar um­boð til SSH að koma fram f.h. sveit­ar­fé­lag­anna -Hvað varð­ar að­komu sveit­ar­fé­lag­anna, og kjör­inna full­trúa, á samn­ings­tím­an­um að ákvarð­ana­töku, og -Hvað varð­ar út­færslu svo­kall­aðra flýti- og um­ferð­ar­gjalda sem skatt­greið­end­um/ bif­reiða­eig­end­um er ætlað að bera, svo eitt­hvað sé nefnt. Bæj­ar­full­trú­inn von­ar af ein­lægni að af gerð vilja­yf­ir­lýs­ing­ar milli sveit­ar­fé­lag­anna og rík­is­ins varð­andi Sunda­braut, sem skipu­lags­nefnd átti frum­kvæði að og bæj­ar­stjórn hef­ur stað­fest, að af henni geti orð­ið á næstu vik­um.

Sam­þykkt með 9 at­kvæð­um að taka mál­ið til af­greiðslu eft­ir tvær um­ræð­ur sbr. 3. tl. 1. mgr. 18. gr. Sveit­ar­stjórn­ar­laga nr. 138/2011.

Sam­þykkt með 9 at­kvæð­um að vísa mál­inu til síð­ari um­ræðu og af­greiðslu á næsta fundi bæj­ar­stjórn­ar þann 30. októ­ber 2019.

Bók­un M-lista
Full­trúi Mið­flokks­ins ósk­ar eft­ir að frek­ari gögn varð­andi áhættu, sem fólg­in er í verk­efn­inu er hér um ræð­ir og slík rann­sókn, liggi fyr­ir áður en síð­ari um­ræða á sér stað og af­greiðsla máls­ins.

Af­greiðsla 1415. fund­ar bæj­ar­ráðs sam­þykkt á 747. fundi bæj­ar­stjórn­ar með níu at­kvæð­um.

Páll Björg­vin Guð­munds­son og Hrafn­kell Proppé kynna sam­komu­lag­ið. Bæj­ar­ráð sam­þykk­ir með 3 at­kvæð­um að vísa er­ind­inu til af­greiðslu bæj­ar­stjórn­ar og mæl­ist til þess að það verði þar tek­ið til af­greiðslu eft­ir tvær um­ræð­ur.