Upp­bygg­ingaráform Sól­valla

Af­greiðsla 1332. fund­ar bæj­ar­ráðs sam­þykkt á 707. fundi bæj­ar­stjórn­ar með níu at­kvæð­um.

Bók­un M-lista íbúa­hreyf­ing­ar­inn­ar
1. des­em­ber sl. rann út frest­ur MBPC ehf., ís­lensks fé­lags í eigu hol­lensks skúffu­fyr­ir­tæk­is­ins, til að skila inn við­skipta­áætlun og við­ur­kenn­ingu við­skipta­banka á því að fé­lag­ið hefði fjár­hags­lega burði til að fjár­magna bygg­ingu 50 millj­arða einka­sjúkra­húss í landi Sól­valla í Reykja­hverfi. Eng­in gögn bár­ust og get­ur sveit­ar­fé­lag­ið því rift samn­ingi við fé­lag­ið sem nú hef­ur ver­ið selt og nefn­ist Sól­vell­ir heilsu­þorp ehf.
Á fundi bæj­ar­ráðs 30. nóv­em­ber kynntu for­svars­menn Sól­valla heilsu­þorps ehf. nýj­ar hug­mynd­ir að upp­bygg­ingu á þess­um 12 hekt­ur­um lands í eigu Mos­fells­bæj­ar. Bæj­ar­full­trúi Íbúa­hreyf­ing­ar­inn­ar lagði til, óháð um­rædd­um hug­mynd­um, að samn­ingi yrði rift og í kjöl­far­ið efnt til hug­mynda­sam­keppi með­al arki­tekta og út­boðs á upp­bygg­ingu á grund­velli vinn­ingstil­lögu.
Meg­in ástæð­ur fyr­ir til­lög­unni eru að Íbúa­hreyf­ing­unni finnst sjálf­gef­ið að lóð­um sveit­ar­fé­lags­ins sé ráð­stafað í opnu út­boðs­ferli, auk þess sem eng­in rann­sókn­ar­vinna, s.s. þarf­agrein­ing, mat á um­hverf­is­þátt­um o.s.frv. fór fram áður en að­al­skipu­lagi var breytt og reit­ur­inn skil­greind­ur í þágu sjúkra­stofn­un­ar.
Íbúa­spár segja einn­ig til um að land á höf­uð­borg­ar­svæð­inu verði full­byggt inn­an 20-25 ára. Land í Mos­fells­bæ verð­ur því dýr­mæt­ara með hverju ár­inu sem líð­ur
Skv. samn­ingn­um get­ur MBPC eign­ast land­ið gegn afar lágu gjaldi, þ.e. 12 hekt­ar­ar lands á 168 millj­ón­ir sem þýð­ir að hverj­ir 1000 fm2 seljast á um 1,5 millj­ón­ir.
Bæj­ar­stjórn ber að mati Íbúa­hreyf­ing­ar­inn­ar skylda til að hafa biðl­und til að gera sem mest úr eign­um sveit­ar­fé­lags­ins. Vel und­ir­bú­in hug­mynda­sam­keppni er auk þess til þess fallin að kalla fag­að­ila úr ýms­um átt­um að borð­inu. Íbúa­hreyf­ing­in tel­ur að hags­mun­um bæj­ar­búa sé best gætt með því að nota þá verk­ferla út­boðs og sam­keppni sem lög gera ráð fyr­ir, í stað þess að ráð­stafa lóð­um í lok­uðu ferli og sjá til þess að sveit­ar­fé­lag­ið fái sem best verð fyr­ir sín­ar eign­ir.
Íbúa­hreyf­ing­in vill af of­an­greind­um ástæð­um rifta samn­ingi við Sól­velli heilsu­þorp ehf., áður MBPC.
Sigrún H Páls­dótt­ir

Bók­un V og D lista
Á fundi bæj­ar­ráðs mættu að­il­ar sem áhuga hafa á að byggja upp heilsu­tengda at­vinnu­starf­semi í sveit­ar­fé­lag­inu. Af­greiðsla bæj­ar­ráðs gekk ein­göngu út á að heim­ila bæj­ar­stjóra að fara í við­ræð­ur við þessa að­ila um slík at­vinnu­upp­bygg­ing­ar áform.

Bók­un full­trúa S lista
Bæj­ar­full­trú­ar Sam­fylk­ing­ar­inn­ar telja eðli­legt að rætt verði nán­ar við eig­end­ur Sól­valla heilsu­þorps, um þeirra hug­mynd­ir um upp­bygg­ingu í landi Sól­valla áður en end­an­leg ákvörð­un verð­ur tekin um fram­hald þessa máls. Ekki er tíma­bært fyrr en nið­ur­staða ligg­ur fyr­ir úr sam­tali bæj­ar­stjóra og for­svars­manna fyr­ir­tæk­is­ins að taka ákvörð­un um næstu skref í mál­inu.

Anna Sig­ríð­ur Guðna­dótt­ir

Ólaf­ur Ingi Ósk­ars­son.

Bók­un M-lista Íbúa­hreyf­ing­ar­inn­ar um fund­ar­stjórn for­seta
Bæj­ar­full­trúi Íbúa­hreyf­ing­ar­inn­ar mót­mæl­ir þeirri valdníðslu for­seta bæj­ar­stjórn­ar, Bjarka Bjarna­son­ar, að meina bæj­ar­full­trúa, sem í þessu til­viki var flutn­ings­mað­ur til­lögu, um að taka til máls þriðja sinni. Sú ákvörð­un geng­ur í ber­högg við sam­þykkt­ir sveit­ar­fé­lags­ins.
Í sam­þykkt um stjórn Mos­fells­bæj­ar seg­ir í 15. gr. um Fund­ar­sköp og rit­un fund­ar­gerða.: “Bæj­ar­stjórn­ar­mað­ur má tala tvisvar við hverja um­ræðu máls. Heim­ilt er þó bæj­ar­stjórn­ar­manni að taka oft­ar til máls, til að bera af sér ámæli eða til að gera stutta at­huga­semd um fund­ar­stjórn for­seta. Fram­kvæmda­stjóri, flutn­ings­mað­ur til­lögu eða fram­sögu­mað­ur mega þó tala oft­ar en tvisvar við hverja um­ræðu máls. “
Sigrún H Páls­dótt­ir

Fund­ar­gerð 1333. fund­ar bæj­ar­ráðs sam­þykkt á 707. fundi bæj­ar­stjórn­ar með 9 at­kvæð­um. Af­greiðsla 1333. fund­ar bæj­ar­ráðs sam­þykkt á 707. fundi bæj­ar­stjórn­ar með níu at­kvæð­um.

Sam­þykkt með 8 at­kvæmð­um. Full­trúi M-lista Íbúa­hreyf­ing­ar­inn­ar sat hjá.

Af­greiðsla 1332. fund­ar bæj­ar­ráðs sam­þykkt á 707. fundi bæj­ar­stjórn­ar með níu at­kvæð­um.

Til­laga M-lista Íbúa­hreyf­ing­ar­inn­ar
Bæj­ar­full­trúi Íbúa­hreyf­ing­ar­inn­ar legg­ur til að samn­ingi við Sól­velli heilsu­þorp ehf. verði rift og efnt til hug­mynda­sam­keppni með­al arki­tekta um upp­bygg­ingu á 12 hekt­ara landi Mos­fells­bæj­ar við Sól­velli í Reykja­hverfi. Í kjöl­far­ið verði efnt til út­boðs á grund­velli vinn­ingstil­lögu.
Skv. að­al­skipu­lagi er lóð­in skil­greind sem svæði fyr­ir þjón­ustu­stofn­an­ir og hót­el. Eng­in fag­leg vinna s.s. þarf­agrein­ing og mat á um­hverfi og stað­setn­ingu ligg­ur þeirri ákvörð­un til grund­vall­ar og kæmu til­lög­ur um ann­ars kon­ar byggð því líka til greina að mati Íbúa­hreyf­ing­ar­inn­ar.
Hug­mynd­ir Sól­valla heilsu­þorps um upp­bygg­ingu á Sól­vallareit eru spenn­andi og því upp­lagt að fyr­ir­tæk­ið taki þátt í sam­keppn­inni.

Til­lag­an er felld með þrem­ur at­kvæð­um.

Bók­un full­trúa V-lista
Full­trúi vinstri-grænna í bæj­ar­ráði er fylgj­andi því að tekn­ar verði upp við­ræð­ur við fyr­ir­tæk­ið Sól­velli um bygg­ingu heilsu­hót­els í Mos­fells­bæ. Hins­veg­ar er hann ekki hlynnt­ur starf­semi á um­ræddu land­svæði sem bygg­ir á einka­rekstri í heil­brigð­is­þjón­ustu.

Sam­þykkt með þrem­ur at­kvæð­um að fela bæj­ar­stjóra að fara í við­ræð­ur við Sól­velli heilsu­þorp ehf. um mögu­leg upp­bygg­ingaráform á lóð í landi Sól­valla.

Á fund­inn mættu Sturla Sig­hvats­son (SS) og Þröst­ur Sig­urðs­son (ÞS) og kynntu hug­mynd­ir að upp­bygg­ingu heils­u­starf­semi í landi Sól­valla.