10. nóvember 2016 kl. 07:30,
2. hæð Helgafell
Fundinn sátu
- Bryndís Haraldsdóttir (BH) formaður
- Kolbrún G Þorsteinsdóttir (KGÞ) varaformaður
- Anna Sigríður Guðnadóttir (ASG) aðalmaður
- Bjarki Bjarnason (BBj) áheyrnarfulltrúi
- Sigrún H. Pálsdóttir (SHP) áheyrnarfulltrúi
- Haraldur Sverrisson bæjarstjóri
- Sigurður Snædal Júlíusson þjónustu- og samskiptadeild
Fundargerð ritaði
Sigurður Júlíusson
Dagskrá fundar
Almenn erindi
1. Gjaldskrá SHS okt. 2016201611012
Gjaldskrá SHS okt. 2016 lögð fram.
Gjaldskrá Slökkviliðs höfuðborgarsvæðisins er samþykkt með þremur atkvæðum.
2. LT lóðir - samkomulag um gatnagerðargjöld.201610023
Bæjarstjóri kynnir drög að samkomulagi um greiðslu gatnagerðargjalda við LT lóðir.
Samþykkt með þremur atkvæðum að ganga til samninga við LT lóðir ehf. um gatnagerðargjald og eignarhald á landi á grundvelli framlagðra samningsdraga.
Bæjarráð samþykkir jafnframt, í samræmi við 6. gr. samþykktar um gatnagerðargjald á deiliskipulögðum svæðum í Mosfellsbæ, að lækka gatnagerðargjald vegna spildu úr landi Blikastaða, landnr. 176813 um 37,5% frá gildandi gjaldskrá hverju sinni í 5 ár frá undirritun samkomulags við LT lóðir ehf. um gatnagerð og eignarhald á umræddu landi, en að þeim tíma liðnum nemi lækkunin 25% af gildandi gjaldskrá. Tilefni þessarar sérstöku lækkunar er vilji Mosfellsbæjar til að stuðla að hraðari atvinnuuppbyggingu á landinu, bænum til hagsbóta. Ákvörðun þessi gildir svo lengi sem hún er ekki sérstaklega afturkölluð.
3. Virðing - Ósk um úthlutun lóða við Sunnukrika 3-9.201609340
Lögð fram drög að samkomulagi við Virðingu um úthlutun lóða við Sunnukrika 1-7.
Samþykkt með þremur atkvæðum að ganga til samninga við Sunnubæ ehf. um úhlutun lóða við Sunnukrika 3-7 í samræmi við fyrirliggjandi deiliskipulag og á grundvelli fyrirliggjandi samningsdraga og úthlutunarskilmála, með þeim breytingum sem ræddar voru á fundinum varðandi fyrirvara um fjármögnun og fjárhæð fyrstu greiðslu.
4. Aðgerðaráætlun Lýðræðisstefnu 2015-2017201509254
Lagt fram til umfjöllunar minnisblað vegna hugmynda um lýðræðisverkefni á árinu 2017. Málinu var frestað í síðasta fundi.
Aldís Stefánsdóttir (AS), forstöðumaður þjónustu- og samskiptadeildar, mætti á fundinn undir þessum lið, og var henni falið að útfæra tillögur um íbúasamráð í tengslum við hugmyndir um Minn Mosfellsbæ.
5. Leiguíbúðir í Mosfellsbæ201409371
Lagt fram minnisblað og fleiri gögn vegna úthlutunar lóða við Þverholt 21-23 og 25-29.
Frestað.
6. Samþykkt varðandi nefndir Mosfellsbæjar200809731
Óskað eftir umræðu um laun kjörinna fulltrúa og annarra nefndarmanna í kjölfar úrskurðar kjararáðs númer 2016.3.001.
Samþykkt með þremur atkvæðum að laun kjörinna fulltrúa hækki ekki í samræmi við úrskurð Kjararáðs amk að sinni. Beðið er umræðu Alþingis um úrskurðinn.
7. Þjónusta við ung börn201611055
Fyrirkomulag ungbarnaþjónustu fyrir börn undir 2ja ára aldri.
Samþykkt með þremur atkvæðum að vísa erindinu til umsagnar fræðslunefndar.
8. Erindi Borgarleikhúss - ósk um stuðning og samstarf201611013
Erindi Borgarleikhúss - ósk um stuðning og samstarf
Frestað.
9. Umsögn Sambands íslenskra sveitarfélaga um drög að reglugerð um veitingastaði, gististaði og skemmtanahald201611030
Atvinnuvega- og nýsköpunarráðuneytið hefur í dag sett á vefinn til kynningar og umsagnar drög að reglugerð um veitingastaði, gististaði og skemmtanahald. Ætli sveitarfélag ekki að senda sérstaka umsögn en sér tilefni til þess að koma að athugasemdum er hægt að senda þær á undirritaða þar sem tekið verður tillit til þeirra við ritun umsagnar sambandsins.
Frestað.