7. maí 2025 kl. 14:00,
í Kjarna
Fundinn sátu
- Kristinn Pálsson skipulagsfulltrúi
Fundargerð ritaði
Kristinn Pálsson skipulagsfulltrúi
Dagskrá fundar
Almenn erindi
1. Korputún 7-11 - Umsókn um byggingarheimild eða -leyfi - Flokkur 1202502405
Lagðir eru fram til kynningar uppfærðir uppdrættir hönnuðar að Korputúni 7-11 eftir umsögn á 91. afgreiðslufundi skipulagsfulltrúa. Til samræmis við ákvæði í kafla 3.3. í deiliskipulagi Korputúns, vistvæns atvinnukjarna í Blikastaðalandi, veitir skipulagsfulltrúi umsögn fyrir útgáfu leyfa. Uppdrættir, útlit og hönnun hefur verið uppfærð ýmist til samræmis við umsögn og athugasemdir eða viðeigandi rökstuðningur færður fyrir útfærslum hönnuðar til samræmis við deiliskipulag.
Skipulagsfulltrúi telur að aðaluppdrættir samræmist meginmarkmiðum og ákvæðum deiliskipulagsins og vísar umsókn til byggingarfulltrúa sem afgreiða má byggingaráform til samræmis við ákvæði byggingarreglugerðar nr. 112/2012.
2. Hafravatnsvegur 56 L125340 vegur að L125360 - framkvæmdaleyfi202501741
Borist hefur umsókn um framkvæmdaleyfi frá Helga G. Thoroddsen vegna lagningu aðkomuvegar og lagnaleið að Miðdalslandi L125360 um Hafravatnsveg 56 L125340. Hjálögð er verklýsing þar sem verksvæði er hnitsett og framkvæmd lýst. Framkvæmdatími er vor/sumar 2025. Umsagnir bárust frá Veitum og Minjastofnun Íslands við gerð deiliskipulags aðkomuvegar þar sem framkvæmd gæti snert heimlögn á svæðinu og sökum þess að vegur þverar skráðar fornminjar. Mosfellsbær hefur upplýst umrædda hagaðila um áform landeigenda.
Með vísan í afgreiðsluheimildir skipulagsfulltrúa í samþykktum um stjórn Mosfellsbæjar, samþykkir skipulagsfulltrúi fyrirliggjandi umsókn og annast útgáfu framkvæmdaleyfis í samræmi við 13. og 15. gr. skipulagslaga nr. 123/2010 og ákvæði reglugerðar um framkvæmdaleyfi nr. 772/2012, á grundvelli deiliskipulagsbreytingar samþykkt 22.01.2025.
Skipulagsfulltrúi áréttar að ef ókunnar fornminjar finnast við framkvæmd verks skal stöðva framkvæmdir án tafar og upplýsa Minjastofnun Íslands um fundinn, sbr. 2. mgr. 24. gr. laga nr. 80/2012 um menningarminjar.