21. maí 2019 kl. 16:30,
2. hæð Helgafell
Fundinn sátu
- Björk Ingadóttir formaður
- Sólveig Franklínsdóttir (SFr) varaformaður
- Rafn Hafberg Guðlaugsson aðalmaður
- Elín Anna Gísladóttir (EAG) aðalmaður
- Ingibjörg B Jóhannesdóttir aðalmaður
- Olga Jóhanna Stefánsdóttir áheyrnarfulltrúi
- Auður Halldórsdóttir ritari
Fundargerð ritaði
Auður Halldórsdóttir Forstöðumaður menningarmála
Dagskrá fundar
Almenn erindi
1. Endurskoðun á umhverfisstefnu fyrir Mosfellsbæ201710064
Umhverfisnefnd hefur unnið að endurskoðun á umhverfisstefnu fyrir Mosfellsbæ og hefur boðað til opins fundar fimmtudaginn, 16.maí n.k. þar sem óskað er eftir umræðum og ábendingum frá íbúum og hagsmunaaðilum um drögin. Drög að umhverfisstefnu eru send nefndum í Mosfellsbæ til kynningar og upplýsingar, og er gefinn frestur til 1.júní n.k. til að koma með athugasemdir ef einhverjar eru.
Lagt fram.
2. Ascension MMXIX tónlistarhátíð201905233
Kynning á Ascension MMXIX tónlistarhátíðinni sem fram fer í Hlégarði 13.-15. júní nk.
Gunnhildur Edda Guðmundsdóttir skipuleggjandi Ascension MMXIX tónlistarhátíðarinnar kemur á fundinn og kynna hátíðina.
Gestir
- Gunnhildur Edda Guðmundsdóttir
3. Umsókn um styrk vegna listviðburða og menningarmála201903234
Umsókn Daníels Snorra Jónssonar um styrk vegna listviðburða og menningarmála sem frestað var á 7. fundi menningar- og nýsköpunarnefndar lögð fram að nýju.
Umsókn synjað.
4. Umsókn um styrk vegna listviðburða og menningarmála201903255
Ósk aðstandenda tónlistarhátíðarinnar Ascension MMXIX sem haldin verður 13.-15. júní nk. um fyrirframgreiðslu styrks.
Samþykkt.
5. Hlégarður201404362
Tillaga um stefnu og framtíðarsýn á sviði menningarmála og framtíðaruppbygging á starfsemi Hlégarðs.
Samþykkt með 5 atkvæðum að fela forstöðumanni bókasafns og menningarmála að vinna, á grundvelli framlagðs minnisblaðs, nánari útfærslu á þeim valkosti úr greiningu KPMG sem heitir samstarf um rekstur Hlégarðs og ræða við umhverfissvið Mosfellsbæjar um val á arkitekt til að vinna tillögur að breytingum á innra útliti Hlégarðs og áfangaskiptingu breytinganna.
6. Stefnumótun til framtíðar í menningarmálum fyrir Mosfellsbæ201905227
Þar sem núna stendur yfir endurskoðun á stefnu í menningarmálum fyrir Mosfellsbæ leggur áheyrnarfulltrúi Vina Mosfellsbæjar í menningar- og nýsköpunarnefnd fram tillögu ásamt greinargerð og fylgiskjalinu "Hlégarður - menningarmiðstöð Mosfellsbæjar".
Lögð fram svohljóðandi tillaga áheyrnarfulltrúa Vina Mosfellsbæjar í menningar- og nýsköpunarnefnd:
Menningar- og nýsköpunarnefnd samþykkir að hluti af endurskoðun menningarstefnu fyrir Mosfellsbæ verði stefnumótun (stefnumótandi) til framtíðar í menningarmálum fyrir Mosfellsbæ þar sem horft verði til þess að Hlégarður og svæðið þar í kring yrði þungamiðjan í uppbyggingu og hýsingu safna- og menningarstarfs í Mosfellsbæ.Tillögunni fylgdi greinargerð.
Samþykkt með 5 atkvæðum að tillögum Vina Mosfellsbæjar verði vísað áfram inn í þá vinnu sem nú stendur yfir um mótun stefnu og framtíðarsýnar á sviði menningarmála og framtíðaruppbyggingu á starfsemi Hlégarðs.