6 month-5 2025 kl. 07:00,
2. hæð Helgafell
Fundinn sátu
- Valdimar Birgisson (VBi) formaður
- Sævar Birgisson (SB) varaformaður
- Ásgeir Sveinsson (ÁS) aðalmaður
- Helga Jóhannesdóttir (HJó) aðalmaður
- Ómar Ingþórsson (ÓI) aðalmaður
- Guðmundur Hreinsson (GH) áheyrnarfulltrúi
- Jóhanna Björg Hansen sviðsstjóri umhverfissviðs
- Kristinn Pálsson skipulagsfulltrúi
- Árni Jón Sigfússon byggingarfulltrúi
Fundargerð ritaði
Árni Jón Sigfússon Byggingarfulltrúi
Dagskrá fundar
Almenn erindi
1. L228084 Í Miðlandslandi II óbyggt svæði - deiliskipulag202503005
Lögð er fram til kynningar og afgreiðslu tillaga K.J. Ark, f.h. landeigenda, að nýju deiliskipulagi frístundabyggðar á skilgreindu óbyggðu svæði vestan Silungatjarnar. Tillaga felur í sér uppbyggingu aðalhúss, bílgeymslu og gestahús allt að 380 m2 á um 12.225 m2 landi. Málinu var frestað vegna tímaskorts á síðasta fundi nefndarinnar.
Skipulagsnefnd synjar með fimm atkvæðum fyrirliggjandi tillögu að deiliskipulagi sökum þess að umrædd lóð er skilgreind sem óbyggt svæði í aðalskipulagi en ekki frístundabyggð.
2. Úugata 1 og 2-4 - merkjalýsing, lóða- og landamál202502333
Lögð eru fram til kynningar og afgreiðslu breytt mæli- og lóðarblöð fyrir Úugata 1 og 2-4, til samræmis við umræður og afgreiðslur breyttrra stærðar Úugötu 2-4 á 617. fundi skipulagsnefndar og samþykkt á 1668. bæjarráðs Mosfellsbæjar vegna breytinga lóðar að Úugötu 1. Breyting hefur áhrif á umræddar lóðir og aðliggjandi bæjarland. Málinu var frestað vegna tímaskorts á síðasta fundi nefndarinnar.
Skipulagsnefnd samþykkir með fimm atkvæðum breytta stærð lóða og ný lóðablöð.
3. Skálafell - Kýrhólsflói og Stóri-Bugðuflói - Deiliskipulag í Reykjavík202505500
Lögð er fram til kynningar skipulags- og verklýsing fyrir nýtt deiliskipulag að Skálafelli. Samkvæmt kynningargögnum er um að ræða nýtt deiliskipulag vegna uppbyggingar á landi Kýrhólsflóa og Stóra-Bugðuflóa í Skálafelli þar sem ráðgert er að reisa þrjú hótel með heilsulind, líkamsræktaraðstöðu, veitingastöðum, ráðstefnusölum, sýningarrými, villum o.fl. Byggingar verða allt að þrjár hæðir, gistirými um 250 og starfsmannaíbúðir 200 talsins. Athugasemdafrestur vinnslutillögu var til og með 15.05.2025. Hjálögð er til kynningar umsögn skipulagsfulltrúa Mosfellsbæjar, dags. 14.05.2025, sem skilað var inn í Skipulagsgáttina fyrir hönd sveitarfélagsins. Málinu var frestað vegna tímaskorts á síðasta fundi nefndarinnar.
Lagt fram og kynnt. Skipulagsnefnd tekur undir fyrirliggjandi umsögn skipulagsfulltrúa.
4. Efstaland 1 - ósk um aðal- og deiliskipulagsbreytingu202408423
Lögð er fram til kynningu tillaga að aðal- og deiliskipulagsbreytingu fyrir Efstaland 1 á vinnslustigi. Hjálögð er samantekt og rýni innsendra umsagna skipulagslýsingar ásamt drögum að viðbrögðum. Málinu var frestað vegna tímaskorts á síðasta fundi nefndarinnar.
Skipulagsnefnd samþykkir með fimm atkvæðum að kynna og auglýsa fyrirliggjandi tillögu á vinnslustigi í samræmi við 4. mgr. 40 gr. skipulagslaga nr. 123/2010. Skipulagsfulltrúa falið að fullvinna gögn, í samstarfi við lóðarhafa, til kynningar og undirbúa kynningarfund fyrir íbúa. Nefndin samþykkir fyrirliggjandi viðbrögð umsagna.
5. Helgafellshverfi 6. áfangi - nýtt deiliskipulag202101267
Lögð eru fram til kynningar og umræðu ný drög að deiliskipulagi 6. áfanga Helgafellshverfis við Ásaveg.
Skipulagsnefnd samþykkir með fimm atkvæðum að fela skipulagsfulltrúa og umhverfissviði áframhaldandi vinnu máls, í samræmi við umræður.
6. Heildarendurskoðun aðalskipulags Mosfellsbæjar 2011-2030202005057
Lagðir eru fram til kynningar og umræðu uppfærðir uppdrættir tillögu nýs aðalskipulags Mosfellsbæjar 2040. Uppdrættir og framsetning er til samræmis við kröfu um stafræn skil aðalskipulagsáætlana.
Skipulagsnefnd þakkar kynningu og yfirferð skipulagsfulltrúa. Skipulagsnefnd samþykkir með fimm atkvæðum að fela skipulagsfulltrúa og umhverfissviði áframhaldandi vinnu nýs aðalskipulags á grundvelli þeirra forsendna sem nýir uppdrættir byggja á.
7. Óskot L123738 óbyggt svæði - ósk um aðalskipulagsbreytingu202505640
Borist hefur erindi frá Landlínum ehf., f.h. landeigenda að Óskoti, dags. 19.05.2025, með ósk um að breytta landnotkun lands úr óbyggðu svæði í opið svæði til sérstakra nota, í samræmi við gögn.
Skipulagsnefnd samþykkir með fimm atkvæðum að land Óskots verði innfært í nýtt aðalskipulag sem Opið svæði (OP) í samræmi við ósk og skipulagsreglugerð nr. 123/2010. Breytingin verður innfærð í endurskoðun nýs aðalskipulags, með vísan í vinnslu nýrra uppdrátta skipulagsins. Opna svæðið að Óskoti mun falla undir ákvæði Græna tefilsins, en trefillinn er skipulagt útivistarsvæði þar sem skiptast á skógur og opin svæði. Meginreglan er að ekki skuli reisa frekari byggð innan hans en heimilt verður reisa þar byggingar og mannvirki sem tengjast skipulagðri útivistar- og frístundaiðju sem vinna þarf frekari í skipulagsáætlunum. Nefndin áréttar að golfvellir, líkt og erindi fjallar jafnframt um, falla undir landnýtingu Íþróttasvæða (ÍÞ). Áform í erindi, aðkomur og innviðir eru of óljósir til þess að hægt sé að breyta Óskoti í íþróttasvæði án frekari undirbúnings þó uppbygging á slíku falli vel að markmiðum trefilsins um útivist og náttúru.
8. Flokkun landbúnaðarlands í Mosfellsbæ202506014
Lagðar eru fram til kynningar drög og vinnugögn Lands og skógar vegna flokkun landbúnaðarlands á Íslandi með tilliti til ákvæða Landsskipulagsstefnu. Þar er því beint til sveitarfélaga að byggja skipulagsákvarðanir um ráðstöfun lands í dreifbýli til landbúnaðar og annarrar nýtingar á flokkun landbúnaðarlands. Verkefnið tengist endurskoðun aðalskipulags.
Lagt fram og kynnt
9. Sunnukriki 5 - ósk um skipulagsbreytingu202503499
Lagt er fram til kynningar minnisblað skipulagsfulltrúa vegna fundar með málsaðila, til samræmis við afgreiðslu á 628. fundi nefndarinnar. Hjálagt er til afgreiðslu erindi frá Guðjóni Magnússyni, f.h. Sunnukrika 5 ehf.
Skipulagsnefnd samþykkir með fjórum atkvæðum að óska eftir frekari gögnum frá lóðarhafa er skýrir samspil íbúða, íþrótta og þjónustu í samræmi við hugmyndir málsaðila, með vísan í fyrirliggjandi minnisblað. Skipulagsnefnd telur vert að rýna frekar þörf fyrir bílakjallara með tillit til úrfærslu tillagna áður en afstaða er tekin til fjölda íbúða.
10. Stofnlögn með Vesturlandsvegi og Skarhólabraut - framkvæmdaleyfi202505593
Borist hefur ósk um framkvæmdaleyfi frá Veitum. ohf, dags. 16.05.2025, vegna lagningu háspennustrengjar frá Aðveitustöð 9, í botni Dælustöðvarvegar, að Aðveitustöð 8 við Korpu í Reykjavík. Tilgangur framkvæmdar er að styrkja rafdreifikerfið í Mosfellsbæ, tryggja afhendingaröryggi og afleggja loftlínu. Lagnaleið er meðfram Vesturlandsvegi, Skarhólabraut og Dælustöðvarvegi. Hjálögð eru undirrituð samþykki landeigenda sem framkvæmdin snertir.
Skipulagsnefnd samþykkir með fjórum atkvæðum að fela skipulagsfulltrúa að gefa út framkvæmdaleyfi í samræmi við 13. og 15. gr. skipulagslaga nr. 123/2010 og skv. reglugerð um framkvæmdaleyfi nr. 772/2012.
11. Kæra nr. 58-2025 til ÚUA vegna Suður Reykjalands L125425202504234
Lögð er fram til kynningar kæra Ólafar Guðnýjar Valdimarsdóttur, dags. 10.04.2025, til Úrskurðarnefndar umhverfis- og auðlindamála vegna synjunar á erindi og deiliskipulagsósk kæranda á 628. fundi skipulagsnefndar Mosfellsbæjar. Hjálögð er umsögn Mosfellsbæjar til úrskurðarnefndarinnar.
Lagt fram og kynnt.
- Fylgiskjal10.4.2025 - - Kæra til úrskurðarnefndar umhverfis- og auðlindamála - Ólöf Guðný Valdimarsdóttir - In (GoPro Self Service).pdfFylgiskjal10.4.2025 - - FSKJ. 1 RÖKSTUÐNINGUR FYRIR KÆRU - Ólöf Guðný Valdimarsdóttir - In (GoPro Self Service).pdfFylgiskjalUmsögn Mosfellsbæjar - mál nr. 58_2025.pdf
12. Lerkibyggð 10 Grund - deiliskipulagsgerð og uppbygging202409601
Lögð er fram til kynningar umsögn skipulagsfulltrúa og lögmanns í samræmi við afgreiðslu á 617. fundi skipulagsnefndar. Hjálagt er erindi málsaðila til afgreiðslu.
Með vísan í rökstuðning í fyrirliggjandi umsögn skipulagsfulltrúa og lögmanns synjar skipulagsnefnd með fjórum atkvæðum ósk um auglýsingu nýs deiliskipulags fyrir Lerkibyggð 10. Synjun er á grundvelli óljósra þátta um aðkomu, eignarhald, innviði og kostnað er tengist uppbyggingu. Breytingin hefur áhrif á eign þriðja aðila.
13. Íveruhús á lóð - stefna og leiðbeiningarit202506011
Lögð eru fram til kynningar og afgreiðslu drög og tillaga skipulagsfulltrúa Mosfellsbæjar á verklagsreglum og ákvæðum fyrir ný íveruhús á sérbýlishúsalóðum í þéttbýlinu.
Frestað vegna tímaskorts.
14. Bjargslundur 8 - Umsókn um byggingarheimild eða -leyfi - Flokkur 1202504090
Lögð er fram til kynningar umsögn skipulagsfulltrúa, í formi tillögu að reglum og ákvæðum, í samræmi við afgreiðslu á 630. fundi skipulagsnefndar. Hjálögð er umsangarbeiðni byggingarfulltrúa til afgreiðslu.
Frestað vegna tímaskorts.
15. Súluhöfði 39 - Umsókn um byggingarheimild eða -leyfi - Flokkur 2202504003
Lögð er fram til kynningar umsögn skipulagsfulltrúa, í formi tillögu að reglum og ákvæðum, í samræmi við afgreiðslu á 630. fundi skipulagsnefndar. Hjálögð er umsangarbeiðni byggingarfulltrúa til afgreiðslu.
Frestað vegna tímaskorts.
16. Fellshlíð við Helgafell - deiliskipulag202405235
Lögð er fram til kynningar og afgreiðslu tillaga að nýju deiliskipulagi fyrir Fellshlíð. Tillagan felur í sér byggingarheimildir fyrir tvö aukahús á lóð auk vinnustofu/bílgeymslu á þremur byggingarreitum. Innfærð er grenndarkynnt stækkun á núverandi íbúðarhúsi. Viðbættar byggingarheimildir nema samanlagt 217 m2. Áform eru í samræmi við kynnta deiliskipulagslýsingu.
Frestað vegna tímaskorts.
17. Umsókn um lóð til afnota sunnan við Fellshlíð202505698
Lögð er fram til afgreiðslu ósk Arnar Elíasar Guðmundssonar, eiganda Fellshlíðar, um afnot bæjarlands sunnan Fellshlíðar að íbúðarhúsalóðum Úugötu.
Frestað vegna tímaskorts.
18. Helgadalsvegur 60 - deiliskipulagsbreyting202306155
Lögð er fram til kynningar og afgreiðslu ný tillaga landeigenda að Helgadalsvegi 60, dags. 27.05.2025, að deiliskipulagsbreytingu landbúnaðarlands. Tillagan felur í sér byggingarheimildir fyrir 400 m2 íbúðarhús, nokkur gróðurhús samanlagt 150 m2, aðstöðuhús gróðurhúsa samanlagt 100 m2, vélageymslu 200 m2 og bændagistingu í nokkrum húsum samanlagt 400 m2.
Frestað vegna tímaskorts.
Fundargerðir til kynningar
19. Afgreiðslufundur byggingarfulltrúa - 548202505036F
Fundargerð lögð fram til kynningar.
Lagt fram.
19.1. Egilsmói 12 - Umsókn um byggingarheimild eða -leyfi - Flokkur 2 202503655
Alda Agnes Sveinsdóttir Egilsmóa 12 sækir um leyfi til að byggja úr timbri einnar hæðar einbýlishús með innbyggðri bílgeymslu á lóðinni Egilsmói nr. 12 í samræmi við framlögð gögn.
Stærðir: Íbúð 79,2 m², 348,8 m³.19.2. Hamrabrekkur 21 - Umsókn um byggingarheimild eða -leyfi - Flokkur 1 202411135
Róbert Björnsson Hagamel 25 Reykjavík sækir um leyfi til að byggja úr CLT timbureiningum einnar hæðar frístundahús á lóðinni Hamrabrekkur nr. 21 í samræmi við framlögð gögn.
Stærðir: 130,2 m², 554,4 m³.19.3. Lynghóll 125346 - Umsókn um byggingarheimild eða -leyfi - Flokkur 1 202504456
Herfell ehf. Suðurlandsbraut 6 Reykjavík sækir um leyfi til niðurrifs og förgunar einnar hæðar frístundahúss úr timbri á lóðinni Lynghóll L125346. Fjarlægt byggingarmagn: 83,5 m².
19.4. Selmerkurvegur 20 - Umsókn um byggingarheimild eða -leyfi - Flokkur 2 202503114
Ingvi Ingólfsson Arakór 1 Kópavogi sækir um leyfi til að byggja úr timbri einnar hæðar frístundahús með innbyggðri bílgeymslu á lóðinni Selmerkurvegur nr. 20 í samræmi við framlögð gögn.
Stærðir: 93,6 m², bílgeymsla 36,4 m², 533,5 m³.19.5. Skólabraut 2-4 2R - Umsókn um byggingarheimild eða -leyfi - Flokkur 1 202505617
Mosfellsbær Þverholti 2 sækir um leyfi til að byggja úr steinsteypu undirstöður fyrir möstur vallarlýsingar á knattspyrnuvelli á íþróttasvæði við Varmá í samræmi við framlögð gögn.