Út­svars­pró­senta 2022

Bók­un Sam­fylk­ing­ar­inn­ar við ákvörð­un út­svars 2022.
Meiri­hluti Vinstri grænna og sjálf­stæð­is­manna legg­ur nú til, 6. árið í röð, að út­svars­pró­sent­an verði 14.48% , það er 0,04 pró­sentu­stig­um lægri en heim­ild er til og það þrátt fyr­ir mikla óvissu í fram­vindu efna­hags­mála og halla­rekst­ur bæj­ar­sjóðs á síð­asta ári. Þessi lækk­un þýð­ir 24 millj­óna króna lækk­un út­svar­stekna fyr­ir bæj­ar­sjóð á ár­inu 2022 og verð­ur þá upp­hæð­in orð­in um 70 millj­ón­ir á síð­ustu þrem­ur árum. Fjár­hags­leg­ur ávinn­ing­ur ein­stakra út­svars­greið­enda hvað varð­ar auk­ið ráð­stöf­un­ar­fé er mjög lít­ill og dug­ar fólki með með­al­tekj­ur vart fyr­ir kaffi­bolla á bens­ín­stöð. Þess­ar 24 millj­ón­ir sem meiri­hluti VG og D lista telja ekki þörf á inn í rekst­ur bæj­ar­ins á ár­inu 2022 mætti, að mati Sam­fylk­ing­ar­inn­ar þó nýta í ýmis brýn verk­efni á veg­um Mos­fells­bæj­ar s.s. aukna sér­fræði­þjón­ustu og stuðn­ing inn­an skóla­kerf­is­ins, auk­inn kraft í um­hverf­is- og lofts­lags­mál­um eða til að hækka stuðn­ing við þá sem höllust­um fæti standa í okk­ar sam­fé­lagi, svo ein­hver dæmi séu nefnd. Einn­ig virk­ar það ekki sann­fær­andi þeg­ar sveit­ar­fé­lög átelja rík­is­vald­ið, og það með réttu, að láta ekki fjár­muni fylgja þeim verk­efn­um sem flutt eru til þeirra frá rík­inu að á sama tíma séu sveita­fé­lög­in ekki að full­nýta þá tekju­stofna sem þau þó hafa heim­ild­ir til. Full­trúi Sam­fylk­ing­ar­inn­ar greið­ir at­kvæði gegn því að full­nýta ekki tekju­stofn út­svars enda er sú ákvörð­un öll á ábyrgð meiri­hluta VG og sjálf­stæð­is­manna og hef­ur ekki ver­ið rædd við full­trúa í minni­hluta í að­drag­anda ákvörð­un­ar­inn­ar. Ólaf­ur Ingi Ósk­ars­son bæj­ar­full­trúi S-lista

Bók­un M-lista
Full­trúi M-lista árétt­ar að hámark út­svar al­mennt er 14,52% og lág­mark 12,44%. Hér ákvarð­ar meiri­hluti V- og D-lista út­svars­pró­sent­una 14,48% sem er lægra en há­mark­ið en lík­ur eru á að með hag­ræð­ingu og færri gælu­verk­efn­um mætti lækka út­svar­ið enn frek­ar.

Til­laga er gerð um að út­svars­hlut­fall Mos­fells­bæj­ar fyr­ir árið 2021 verði óbreytt, 14,48% af út­svars­stofni. Til­lag­an var sam­þykkt með sex at­kvæð­um. Full­trú­ar C- og M-lista sátu hjá við at­kvæða­greiðsl­una. Full­trúi S-lista greiddi at­kvæði gegn til­lög­unni