21. febrúar 2025 kl. 08:15,
í Kjarna
Fundinn sátu
- Kristinn Pálsson skipulagsfulltrúi
Fundargerð ritaði
Kristinn Pálsson skipulagsfulltrúi
Dagskrá fundar
Almenn erindi
1. Fellshlíð 125266 - Umsókn um byggingarheimild eða -leyfi - Flokkur 1202410711
Skipulagsnefnd samþykkti á 621. fundi sínum að grenndarkynna umsókn um byggingarleyfi fyrir stækkun að húsinu Fellshlíð í Helgafelli. Um er að ræða leyfi til að byggja við núverandi einbýlishús. Viðbygging verður til austurs, 57,1 m² að stærð og úr timbri. Viðbygging er byggð ofan á steypta sökkulveggi og tengd við núverandi hús með tengibyggingu. Einnig er um að ræða leyfi til að byggja útigeymslu við norðurhlið núverandi húss í samræmi við gögn. Tillagan var kynnt og gögn höfð aðgengileg á vef sveitarfélagsins, mos.is, og auglýst með kynningarbréfi auk gagna, sem send voru til þinglýstra eigenda nærliggjandi land- og fasteignaeigenda. Athugasemdafrestur var frá 10.01.2025 til og með 10.02.2025. Engar athugasemdir bárust.
Þar sem engar athugasemdir bárust við kynnt áform, með vísan í 44. gr. skipulagslaga nr. 123/2010, 5.9.4. gr. skipulagsreglugerðar nr. 90/2013 og afgreiðsluheimildir skipulagsfulltrúa í samþykktum um stjórn Mosfellsbæjar, samþykkir skipulagsfulltrúi áformin. Byggingarfulltrúa er heimilt að afgreiða erindi og gefa út byggingarleyfi þegar að umsókn samræmist lögum um mannvirki nr. 160/2010, byggingarreglugerð nr. 112/2012 og kynntum gögnum.