8. desember 2022 kl. 10:30,
í Kjarna
Fundinn sátu
- Kristinn Pálsson skipulagsfulltrúi
Fundargerð ritaði
Kristinn Pálsson skipulagsfulltrúi
Dagskrá fundar
Almenn erindi
1. 4. áfangi Helgafellshverfis - deiliskipulagsbreyting lóðamarka202211341
Lögð er fram til kynningar og afgreiðslu tillaga að deiliskipulagsbreytingu fyrir 4. áfanga Helgafellshverfis. Tillagan felur í sér breytingar á lóðum, lóðamörkum og byggingarreitum í nokkrum götum hverfisins. Helst breytast lóðamörk milli Liljugötu 2-4 og Lóugötu 24 og 26. Lóð við Liljugötu stækkar um 168 fermetra en aðliggjandi lóðir og byggingarreitir við Lóugötu aðlagast og húsagerðum breytt. Lóðir við Liljugötu 9-17 og 19-25, Huldugötu 1-13 og Lóugötu 1-11 stækka lítillega. Lóð Kolbrúnargötu 2 minnkar. Bílastæðum við Kolbrúnargötu 8, 14, 20 og 28 auk Lóugötu 2-20 er hliðrað til. Annað í skipulagi er óbreytt. Breytingin er framsett í skalanum 1:2000, dags. 29.11.2022.
Í samræmi við afgreiðsluheimildir skipulagsfulltrúa í samþykktum um stjórn Mosfellsbæjar, samþykkir skipulagsfulltrúi að deiliskipulagsbreytingin skuli auglýst og kynnt skv. 2. mgr. 43. gr. skipulagslaga nr. 123/2010.
Breytingin er metin óveruleg sökum þess að fjöldi þeirra lóða sem breytingin fjallar um eru óbyggðar og sumar enn í umsjón málsaðila sem einnig er byggingaraðili og eða Mosfellsbæjar sem er landeigandi. Lóðamarkabreytingar verða sérstaklega kynntar íbúum og hagaðilum sem þær varða.