Mál númer 202504131
- 5 month-5 2025
Bæjarráð Mosfellsbæjar #1670
Tillaga vinnuhóps um breytingu á skipan fastanefnda.
***
Fundarhlé hófst kl. 8.47. Fundur hófst aftur kl. 8.55
***Bæjarráð samþykkir með 3 atkvæðum tillögu vinnuhóps að breytingum á skipan fastanefnda Mosfellsbæjar í samræmi við fyrirliggjandi tillögu. Bæjarfulltrúar D-lista sitja hjá við atkvæðagreiðsluna.
Bæjarráð samþykkir með 3 atkvæðum breytingu á samþykkt um stjórn Mosfellsbæjar nr. 1225/2022, með síðari breytingum í samræmi við meðfylgjandi tillögu. Bæjarfulltrúar D-lista sitja hjá við atkvæðagreiðsluna.
Bæjarráð samþykkir jafnframt að vísa málinu til afgreiðslu í bæjarstjórn, en samkvæmt 18. gr. sveitarstjórnarlaga nr. 138/2011 þarfnast breytingar á samþykktinni tveggja umræðna í bæjarstjórn.
Bæjarfulltrúar D-lista sitja hjá við afgreiðslu málsins.
***
Bókun D-lista:
Betri og nánari upplýsingar vantar í tillöguna, ekki kemur fram í tillögunni hvernig þessi breyting feli í sér betra starfsumhverfi og öflugra nefndarstarf til framtíðar.
Sundurliðaður kostnaður kemur ekki fram og ekki eru upplýsingar um mögulegan aukinn kostnað við sameinaðar nefndir.Ekki er í tillögunni getið um áheyrnarfulltrúa nýrra sameinaðra nefnda heldur einungis gert ráð fyrir að 5 aðalmenn og 5 varamenn verði í nýjum nefndum, en fyrir er í öllum nefndum einn áheyrnafulltrúi minnihlutans venju samkvæmt en einnig eru áheyrnarfulltrúar meirihlutans í öllum nefndum. Af þessum ástæðum sitja fulltrúar D-lista hjá við afgreiðslu málsins.
***
Fundarhlé hófst kl. 9.02. Fundur hófst aftur kl. 9.12
***Bókun B, S og C lista:
Bæjarráðsfulltrúar B, S og C lista benda á að í samþykktum Mosfellsbæjar varðandi fastanefndir bæjarins er einungis talað um aðalmenn og varamenn. Ekki er fjallað sérstaklega um áheyrnarfulltrúa. Tillagan varðar breytingar á þessari samþykkt og þar af leiðandi er ekki vísað til áheyrnarfulltrúa í tillögunni.
Hvað varðar fjárhagsleg áhrif tillögunnar þá verður lagður fram viðauki við fjárhagsáætlun þar sem áhrif hennar koma fram. Þar sem breytingar á samþykktum bæjarins verða lögum samkvæmt að fá tvær umræður í bæjarstjórn er þessi tillaga lögð fram núna.
***
Rúnar Bragi Guðlaugsson vék af fundi undir dagskrárliðnum. - 14 month-4 2025
Bæjarstjórn Mosfellsbæjar #872
Tilkynningar frá oddvitum D-lista og L-lista um að fulltrúar listanna muni ekki taka sæti í vinnuhóp lagðar fram.
Afgreiðsla 1667. fundar bæjarráðs staðfest á 872. fundi bæjarstjórnar með 11 atkvæðum.
- 8 month-4 2025
Bæjarráð Mosfellsbæjar #1667
Tilkynningar frá oddvitum D-lista og L-lista um að fulltrúar listanna muni ekki taka sæti í vinnuhóp lagðar fram.
Lagt fram.
- 30 month-3 2025
Bæjarstjórn Mosfellsbæjar #871
Tillaga um skipan vinnuhóps kjörinna fulltrúa sem falið verði að skoða fjölda og hlutverk fastanefnda og fyrirkomulag þóknana kjörinna fulltrúa fyrir nefndarsetu.
Afgreiðsla 1665. fundar bæjarráðs staðfest á 871. fundi bæjarstjórnar með 10 atkvæðum.
- 10 month-3 2025
Bæjarráð Mosfellsbæjar #1665
Tillaga um skipan vinnuhóps kjörinna fulltrúa sem falið verði að skoða fjölda og hlutverk fastanefnda og fyrirkomulag þóknana kjörinna fulltrúa fyrir nefndarsetu.
Bæjarráð samþykkir með fimm atkvæðum að stofna vinnuhóp kjörinna fulltrúa í samræmi við meðfylgjandi tillögu.