Á dögunum veitti íþrótta- og tómstundanefnd Mosfellsbæjar styrki til ungra og efnilegra ungmenna á fundi sem haldinn var í Listasal Mosfellsbæjar.
Styrkirnir eru í formi launa yfir sumartímann og ungmenni sem hafa sýnt sérstaka hæfileika á sínu sviði geta sótt um styrk til nefndarinnar.
Markmið Mosfellsbæjar með styrknum er að koma til móts við þau ungmenni sem geta ekki með sama hætti og jafnaldrar þeirra unnið sumarvinnu hjá Mosfellsbæ vegna æfinga eða keppni, skipulagi eða annarra þátta sem tengist íþrótt þeirra, tómstundum eða listum.
Í ár bárust íþrótta- og tómstundanefnd 12 umsóknir. Allir umsækjendur voru sannarlega vel að styrk komnir og því ekki létt verk velja á milli umsókna sem byggir á gildandi úthlutunarreglum.
Íþrótta- og tómstundanefnd þakkar fyrir umsóknirnar og óskar bæði styrkhöfum og umsækjendum velfarnaðar í leik og starfi.
Styrkhafar árið 2024 eru sjö talsins og eru eftirfarandi:
- Berglind Erla Baldursdóttir, golf
- Daníel Bæring, handbolti
- Eberg Óttarr Elefsen, trompet
- Oddný Þórarinsdóttir, fiðla
- Skarphéðinn Hjaltason, júdó
- Sól Snorradóttir, hjólreiðar
- Stefán Magni Hjartarson, handbolti
Mynd: Erla Edvardsdóttir, formaður íþrótta- og tómstundanefndar með styrkhöfum ársins 2024. Á myndina vantar Stefán Magna Hjartarson en Elísabet Guðmundsdóttir tók við styrknum fyrir hans hönd.
Tengt efni
Frumkvöðlar óskast!
Lumar þú á frumlegri hugmynd sem gæti gert gott samfélag enn betra?
Umsóknir óskast í Klörusjóð fyrir árið 2024
Nýsköpunar- og þróunarsjóður skóla- og frístundastarfs í Mosfellsbæ.
Styrkir til efnilegra ungmenna í Mosfellsbæ 2024 - Umsóknarfrestur til 1. mars
Íþrótta- og tómstundanefnd Mosfellsbæjar auglýsir eftir umsóknum vegna úthlutunar styrkja til efnilegra ungmenna sem leggja stund á íþróttir, tómstundir eða listir yfir sumartímann.