Hoppa í meginmál
mos.is - Forsíða

Meg­in­regl­an er sú að af­reks­fólk í Mos­fells­bæ og þjálf­ar­ar/leið­bein­end­ur sækja um styrki inn­an síns íþrótta- og tóm­stunda­fé­lags. Fé­lög með sam­starf­samn­ing við Mos­fells­bæ fá á hverju ári fram­lag frá Mos­fells­bæ í af­reks- og styrkt­ar­sjóð til að mæta kostn­aði af­reks­fólks vegna æf­inga og keppn­is­ferða og til að auð­velda þjálf­ur­um/leið­bein­end­um að efla sig í starfi. Hvert fé­lag um sig ráð­staf­ar þess­um fjár­mun­um í sam­ræmi við það.

Með þess­um vinnu­regl­um er ver­ið að huga að því af­reks­fólki sem að stund­ar utan þeirra fé­laga sem að hér að ofan eru nefnd. Er um­sókn­ir berast á að fjalla um þær og af­greiða í íþrótta- og tóm­stunda­nefnd en ef koma upp til­vik þar sem bregð­ast þarf hratt við og/eða nefnd­ar­störf liggja niðri, þá hafa starfs­menn nefnd­ar­inn­ar fullt um­boð til að af­greiða er­indi og kynna á næsta reglu­lega fundi nefnd­ar­inn­ar.

Íþrótta- og tóm­stunda­nefnd ber ábyrð á því að styrk­fjár­hæð­ir hvers árs séu inn­an fjár­heim­ilda og við það mið­að við að styrk­ir til ein­stak­linga séu að jafn­aði á milli 35.000–70.000 kr. sem ræðst af verk­efn­um þeirra. Það kunna að koma upp til­vik þar sem styrk­ur get­ur ver­ið hærri en þó ekki hærri en 105.000 kr. Starfs­menn nefnd­ar­inn­ar upp­lýsa nefnd­ina reglu­lega um fjölda ein­stak­linga sem hljóta fjár­styrk og upp­hæð­ir styrkja.

Fjár­styrk­ir eru veitt­ir vegna

  • Ferða inn­an­lands og er­lend­is vegna æf­inga, keppni fyr­ir lands­l­ið eða þátt­töku í við­burð­um hjá lands­sam­bandi sem tengjast íþrótt- eða tóm­st­und við­kom­andi.
  • Þátt­töku á Ólymp­íu­leik­um, Norð­ur­landa-, Evr­ópu-, Heims­meist­ara­mót­um, Smá­þjóða­leik­um eða öðr­um sam­bæri­leg­um mót­um eða við­burð­um íþrótta- og tóm­stunda­fé­laga.

Um um­sækj­end­ur og um­sókn­ir

Um­sókn­ir skulu vera í nafni um­sókn­ar­að­ila, und­ir­rit­að­ar af hon­um og stað­fest af formanni fé­lags eða þjálf­ara. Sé um­sækj­andi yngri en 18 ára skal for­ráða­mað­ur hans stað­festa um­sókn­ina. Sækja skal um á vef bæj­ar­ins. Til að auð­velda ákvörð­un er mik­il­vægt að um­sækj­andi vandi alla gerð um­sókn­ar og er æski­legt að með henni fylgi:

  • Áætlan­ir um æf­ing­ar og fyr­ir­hug­aða þátt­töku í keppn­um og markmið íþrótta­manns­ins.
  • Fjár­hags­áætlun vegna æf­inga eða keppni eða þátt­töku í við­burði/móti.
  • Að­r­ar upp­lýs­ing­ar sem um­sækj­andi met­ur mik­il­væg­ar.

Öll­um um­sókn­um er svarað skrif­lega.

Sam­þykkt 734. fundi bæj­ar­stjórn­ar Mos­fells­bæj­ar 6.3.2019.

Netspjall

Opið virka daga
mán., þri., fim. 8:00-16:00
mið. 8:00-18:00
fös. 8:00-14:00

Þjónustuver 525-6700

Opið virka daga
mán., þri., fim. 8:00-16:00
mið. 8:00-18:00
fös. 8:00-14:00