Í ljós kom á vorönn 2022 að talsverður raki er í botnplötu Kvíslarskóla í kjölfar mælinga, sá raki er nýr og með öllu ótengdur þeim framkvæmdum sem farið var í árið 2019 í skólanum þar sem vel tókst til við þurrkun og endurgerð. Árangur af þeirri framkvæmd var staðfestur af EFLU verkfræðistofu og verktakafyrirtækinu Ístaki árið 2020.
Nú er búið að fjarlægja allt gólfefni af fyrstu hæð Kvíslarskóla og fjarlægja allt rakaskemmt efni af þeirri hæð. Unnið er að því að brjóta upp ílögn í anddyri og á salernum. Allar innréttingar á salernum hafa verið fjarlægðar. Einnig verður haldið áfram vinnu við að gera salerni og anddyri klár til uppbyggingar. Kerfisloft á fyrstu hæð skólans hafa verið tekin niður. Ennfremur er verið að steinslípa og þétta gafl við aðalinngang ásamt því að brjóta ofan af eldri lögnum sem verða aflagðar.
Undirbúningur fyrir endurnýjun á drenlögnum umhverfis allan skólann stendur yfir en áætlað er að sá verkþáttur verði unninn á meðan að skólinn er lokaður í sumar. Þá er unnið að tilboðsöflun í endurnýjun á gluggum Kvíslarskóla.
Unnið er undirbúningi á uppsetningu lausra kennslustofa austan við Kvíslarskóla eða á þeim stað þar sem gömlu H&M-stofurnar stóðu.
Tengt efni
Vinna við fyrsta áfanga deiliskipulags íbúðarbyggðar að Blikastöðum er hafin
Skipulagsnefnd hefur samþykki að heimila skipulagsfulltrúa Mosfellsbæjar að hefja undirbúning vinnu við mótun fyrsta áfanga deiliskipulags íbúðarbyggðar að Blikastöðum.
Verksamningur um bætt umferðaröryggi við Reykjaveg undirritaður
Jarðval sf. var lægstbjóðandi í verk sem snýr að umferðaröryggi frá Bjargsvegi inn að Reykjum og hefur verksamningur verið undirritaður.
Undirritun verksamninga um nýtt gervigrasyfirborð og vökvunarkerfi að Varmá
Verksamningar hafa verið undirritaðir við Metatron ehf, sem var lægstbjóðandi, um nýtt gervigrasyfirborð og vökvunarkerfi á Varmárvelli.
