Óskað er eft­ir um­sókn­um vegna út­hlut­un­ar styrkja til efni­legra ung­menna í Mos­fells­bæ

Íþrótta- og tóm­stunda­nefnd aug­lýs­ir eft­ir um­sókn­um vegna út­hlut­un­ar styrkja til efni­legra ung­menna sem leggja stund á íþrótt­ir, tóm­stund­ir eða list­ir

Öll ung­menni á aldr­in­um 14 til 20 ára, með lög­heim­ili í Mos­fells­bæ, sem skara fram úr og hafa sýnt sér­staka hæfi­leika á sínu sviði geta sótt um styrk­inn.

Markmið styrks­ins er tví­þætt:

• að gefa ein­stak­ling­um sömu tæki­færi og jafn­öldr­um þeirra til að njóta launa frá bæn­um á sama tíma og þau stunda list sína, íþrótt eða tóm­st­und yfir sum­ar­tím­ann.
• að gefa ein­stak­ling­um tæki­færi til að ein­beita sér frek­ar að list sinni, íþrótt eða tóm­st­und til að ná meiri færni og ár­angri.

Íþrótta- og tóm­stunda­nefnd horf­ir til  eft­ir­far­andi þátta þeg­ar styrkj­um er út­hlutað:

• Um­sögn þjálf­ara, kenn­ara eða ann­ars leið­bein­anda um­sækj­anda þarf að  fylgja með um­sókn­inni. Í um­sögn­inni þurfa að koma fram upp­lýs­ing­ar um ástund­un, hæfi­leika, virkni og fram­komu um­sækj­and­ans.
• Koma þarf fram í um­sókn­inni með hvaða hætti styrk­ur­inn nýt­ist, hvern­ig hann auð­veldi um­sækj­anda að stunda list sína, íþrótt eða tóm­st­und yfir sum­ar­tím­ann og af hverju  hann sé um­sækj­enda mik­il­væg­ur til að geta stundað æf­ing­ar til að auka færni og ná frek­ari ár­angri 
• Nefnd­in skal gæta jafn­ræð­is við val á styrk­þeg­um bæði hvað varð­ar kyn­ferði sem og milli list­greina og íþrótta- og tóm­stunda­greina. Þessa jafn­ræð­is skal gætt inn­byrð­is við hverja út­hlut­un sem og á milli ára. 
• Ár­lega veit­ir Íþrótta- og tóm­stunda­nefnd styrki til 3-5 ein­stak­linga, breyti­legt milli ára þar sem kostn­að­ur fer eft­ir aldri styrk­þega.

Styrk­ur­inn er fólg­in í laun­um frá Vinnu­skóla Mos­fells­bæj­ar.  Fyr­ir ung­linga í þeim ár­göng­um sem starfa í Vinnu­skól­an­um er greitt í sam­ræmi við sam­þykkt­an taxta hverju sinni og sam­svar­ar aldri hvers og eins.
Sama gild­ir um greiðsl­ur til ung­menna sem fá greitt í sam­ræmi við önn­ur sum­ar­átaks­störf hjá Mos­fells­bæ.

Skila­frest­ur er  til og með 22. mars. 2012.

Íþrótta- og tóm­stunda­nefnd Mos­fells­bæj­ar