Á dögunum veitti íþrótta- og tómstundanefnd Mosfellsbæjar styrki til ungra og efnilegra ungmenna.
Styrkirnir eru í formi launa yfir sumartímann og eru greiddir í samræmi við önnur sumarstörf hjá Mosfellsbæ.
Markmiðið er að gefa einstaklingum sem að skara fram úr færi á að stunda sína list, íþrótt eða tómstund yfir sumartímann. Við valið er stuðst við reglur sem byggja á vilja Mosfellsbæjar til að koma til móts við ungmenni sem að vegna listar, íþróttar eða tómstundar sinnar eiga erfitt með að vinna launuð störf að hluta til eða að öllu leyti yfir sumartímann.
Í ár bárust 20 umsóknir. Allir umsóknaraðilar eru sannarlega vel að styrknum komnir og íþrótta- og tómstundanefnd þakkar öllum aðilum fyrir sínar umsóknir.
Styrkþegar sumarsins eru sjö:
- Eydís Ósk Sævarsdóttir – Hestar/píanó
- Heiða María Hannesdóttir – Myndlist
- Lilja Sól Helgadóttir – Tónlist/tónsköpun
- Logi Geirsson – Brasilískt jiu jitsu
- Sara Kristinsdóttir – Golf
- Sigurjón Bragi Atlason – Handknattleikur
- Sævar Atli Hugason – Knattspyrna
Tengt efni
Vel heppnað barna- og ungmennaþing
Barna- og ungmennaþing í Mosfellsbæ var haldið í Hlégarði 13. apríl þar sem um 90 nemendur í 5. – 10. bekk í Mosfellsbæ tóku þátt.
Barna- og ungmennaþing 13. apríl 2023 - Skráning stendur yfir
Barna- og ungmennaþing verður haldið í fyrsta sinn í Mosfellsbæ þann 13. apríl 2023.
Barna- og ungmennaþing 13. apríl 2023
Barna- og ungmennaþing verður haldið í fyrsta sinn í Mosfellsbæ þann 13. apríl 2023.