Laugardaginn 15. október var haldið málþing foreldra og starfsmanna í Varmárskóla.
Á þinginu ræddu þátttakendur hvaða gildi og viðhorf ættu að vera uppistaðan í stefnu skólans til næstu ára. Unnið var út frá markmiðsgrein grunnskólalaga og nýrri menntastefnu Mosfellsbæjar Heimurinn er okkar.
Þingið var með þjóðfundarsniði og þátttakendur ræddu þrjár spurningar:
- Hvað læra börn í góðum skóla?
- Hvert er hlutverk foreldra í tengslum við skólagöngu barna sinna?
- Hvað geta aðilar skólasamfélagins gert til að stuðla að samkennd, vináttu og virðingu.
Áður höfðu starfsmenn skólans komist að samkomulagi um hvaða gildi þeir telja mikilvægast að efla hjá nemendum.
Matsteymi skólans vinnur nú að því að taka niðurstöður starfsmanna og foreldra saman þannig að hægt verði að skrifa stefnu skólans á þessum grunni.
Tengt efni
Íþrótta- og tómstundanefnd Mosfellsbæjar styrkir efnileg ungmenni
Á dögunum veitti íþrótta- og tómstundanefnd Mosfellsbæjar styrki til ungra og efnilegra ungmenna.
Vel heppnað barna- og ungmennaþing
Barna- og ungmennaþing í Mosfellsbæ var haldið í Hlégarði 13. apríl þar sem um 90 nemendur í 5. – 10. bekk í Mosfellsbæ tóku þátt.
Barna- og ungmennaþing 13. apríl 2023 - Skráning stendur yfir
Barna- og ungmennaþing verður haldið í fyrsta sinn í Mosfellsbæ þann 13. apríl 2023.
