Umsókn um leikskólavist
Heimilt er að sækja um leikskólavist fyrir barn í leikskólum Mosfellsbæjar þegar barnið hefur náð eins árs aldri. Skilyrði fyrir leikskólavist er að barnið og foreldri/forsjáraðili eigi lögheimili í Mosfellsbæ.
Foreldri/forsjáraðili fær tilkynningu í tölvupósti þegar barn hefur fengið úthlutun á leikskólaplássi. Til að staðfesta leikskólavistina þarf að staðfesta samninginn á þjónustugátt.
Samþykkja leikskólasamning
Þegar nýr vistunarsamningur er gerður fær foreldri/forsjáraðili tilkynningu í tölvupósti frá þjónustugáttinni. Smelltu á tengilinn í tölvupóstinum til að fara beint á umsóknina í þjónustugáttinni og staðfesta samninginn.
Einnig er hægt að skrá sig inn á þjónustugáttina, velja flipann „Málin mín“, smella á númer umsóknar og velja þar „Staðfesta vistunarsamning“.
Undir málinu birtist Vistunarsamningurinn.
Lesa þarf yfir samninginn, svo er hakað við „Samþykkja samning“ og smellt á hnappinn „Senda samning“.
Vinsamlega athugið:
- Gagnkvæmur uppsagnarfrestur á leikskólavist er 1 mánuður.
- Uppsögn og breytingar á samningi skulu fara fram á þjónustugátt.
- Samningur um leikskólavist fellur sjálfkrafa úr gildi þegar barnið hættir í leikskólanum eða í síðasta lagi 15. ágúst árið sem barnið verður 6 ára, hafi honum ekki verið sagt upp fyrr.
Systkinaafsláttur
Sækja þarf sérstaklega um systkinaafslátt á þjónustugátt.
Viðbótarniðurgreiðsla leikskólagjalda
Sækja þarf sérstaklega um viðbótarniðurgreiðslu leikskólagjalda á þjónustugátt.
Breytingar á leikskólavist
Breyting á vistunartíma, greiðslutilhögun, uppsögn samnings og ósk um að færa barn á annan leikskóla (milliskólaósk).
Þegar foreldri/forsjáraðili vill óska eftir breytingu á vistunarsamningi þarf foreldri/forsjáraðili að fara inn á „Málin mín“ í þjónustugáttinni og velja leikskólaumsókn viðkomandi barns sem á virkan samning og smella á „Breyta vistunarsamningi“.
Foreldri/forsjáraðili fær valmöguleika á að velja hvaða breytingar hann vill óska eftir.
- Segja upp samningi: Taka þarf fram hvenær leikskólaplássi er sagt upp.
- Breyta dvalartíma: Velja dagsetningu breytingar og breyttan vistunartíma.
- Breyta greiðslutilhögun: Velja dagsetningu breytinga og nýjar greiðsluupplýsingar. (Allar slíkar tilkynningar eru birtar undir sér sjónarhorni.)
- Milliskólaósk: Ef óskað er eftir því að færa barn á annan leikskóla þarf að hafa í huga að slíkar breytingar eiga sér stað að hausti ef hægt er að verða við þeim.
Vinsamlega athugið:
- Gott er að hafa í huga að ekki er alltaf hægt að verða við milliskólaóskum en ef það er hægt eiga slíkar breytingar sér stað í upphafi skólaárs.
- Ef foreldri hættir við milliskólaósk þarf að láta vita með því að senda skilaboð inn á þjónustugátt undir málsnúmerinu.
- Ef hægt er að verða við óskum foreldris fer fram sama ferlið og áður og gerður er nýr vistunarsamningur.
Uppsögn á leikskólavist
Þegar foreldri/forsjáraðili vill segja upp leikskólavist þarf að fara í „Málin mín“ á þjónustugáttinni, velja leikskólaumsókn viðkomandi barns sem á virkan samning og smella á „Breyta vistunarsamningi“. Þar er valið að „Segja upp samningi“. Taka þarf fram hvenær leikskólaplássi er sagt upp.
Vinsamlega athugið:
- Gagnkvæmur uppsagnarfrestur á leikskólavist er 1 mánuður.
- Uppsögn og breytingar á samningi skulu fara fram á þjónustugátt.
- Samningur um leikskólavist fellur sjálfkrafa úr gildi þegar barnið hættir í leikskólanum eða í síðasta lagi 15. ágúst árið sem barnið verður 6 ára, hafi honum ekki verið sagt upp fyrr.