Fatlað fólk

1. gr.

Fyrir akstursþjónustu fatlaðs fólks á vegum Mosfellsbæjar skal greiða gjald sem nemur hálfu almennu fargjaldi Strætó bs., sem innheimt er af akstursaðila.

Fatlaðir nemendur í framhalds- eða háskóla eiga kost á nemakorti skv. gjaldskrá Strætó bs. Sótt er um nemakort hjá fjölskyldusviði Mosfellsbæjar.

2. gr.

Hafi notandi með sér farþega greiðir notandi sama gjald fyrir hann. Hafi notandi með sér aðstoðarmann sem talið er nauðsynlegt að ferðist með notanda greiðir notandi ekkert fyrir hann.

3. gr.

Reglur þessar eru settar skv. 29. gr. laga um félagsþjónustu sveitarfélaga nr. 40/1991.

Gjaldskrá þessi er sett skv. 29. gr. laga um félagsþjónustu sveitarfélaga nr. 40/1991 og öðlast þegar gildi.

Upphæð í gjaldskrá þessari gildir frá 1. janúar 2022.

1. gr.

Gjald fyrir vistun í frístundaseli fer eftir fjölda skráðra klukkustunda. Gjald lækkar ekki þrátt fyrir skerta daga eða ef börn nýta ekki þjónustu s.s. vegna veikinda eða leyfis.

Hægt er að sækja um systkinaafslátt samkvæmt samþykkt bæjarstjórnar þar um, inn á umsókn um frístundasel.

2. gr.

Grunngjald fyrir hverja klukkustund í frístundaseljum er 406 kr., lágmarksfjöldi vistunarstunda á viku eru 4 tímar.

Fyrir viðbótarvistun er greitt 3.218 kr. fyrir hvern dag.

Fyrir viðbótarvistun á sumarleyfistíma skóla er greitt 11.554 kr. fyrir hverja viku, miðað við 7 tíma vistun á dag en hálft það gjald sé vistun hálfan dag. Fyrir auka vistun á sumarleyfistíma milli kl. 8-9 eða 16-17 er greitt 545 kr. á klukkustund.

3. gr.

Breytingaóskir þurfa að berast fyrir 20. hvers mánaðar og taka gildi næstu mánaðarmót á eftir.

4. gr.

Gjaldskrá þessi er samþykkt á fundi bæjarstjórnar Mosfellsbæjar þann 6. desember 2023.

Upphæðir í gjaldskrá þessari gilda frá 1. janúar 2024.

1. gr.

Gjald vegna heimsendingar fæðis frá íbúða- og þjónustuhúsi að Hlaðhömrum á vegum Mosfellsbæjar er sem hér segir: Heimsending á fæði kr. 327.

2. gr.

Gjaldskrá þessi skal taka breytingum 1. janúar ár hvert í samræmi við breytingu á neysluvísitölu.

3. gr.

Gjaldskrá þessi er samþykkt á 594. fundi bæjarstjórnar Mosfellsbæjar.

Upphæð í gjaldskrá þessari gildir frá 1. janúar 2024.

Gjaldskrá vegna þjónustu stuðningsfjölskyldna við fötluð börn.

1. gr.

Mosfellsbær greiðir stuðningsfjölskyldu barns þóknun fyrir hvern sólarhring sem barnið dvelur hjá fjölskyldunni. Greiðslur eru stigskiptar eftir umfangi fötlunar og/eða umönnunarþörf. Fyrir fötluð börn styðjast þær við umönnunarmat frá Tryggingastofnun ríkisins og þá flokkun sem fram kemur í reglugerð þar að lútandi.¹

Fjárhæð greiðslna er sem hér segir:

• 1. fl.: Börn sem eru algerlega háð öðrum með athafnir daglegs lífs.
  Greiddar eru kr. 47.331 fyrir hvern sólarhring.
• 2. fl.: Börn sem þurfa verulega aðstoð við athafnir daglegs lífs og gæslu.
  Greiddar eru kr. 36.627 fyrir hvern sólarhring.
• 3. fl.: Börn sem þurfa minni aðstoð en skv. 1. og 2. fl. en þurfa eftirlit við athafnir daglegs lífs.
  Greiddar eru kr. 31.019 fyrir hvern sólarhring.

Greiðslur til stuðningsfjölskyldna eru skattaskyldar verktakagreiðslur en draga má frá kostnað samkvæmt reglum Ríkisskattstjóra sem fjölskyldusvið Mosfellsbæjar vísar á.

2. gr.

Gjaldskrá þessi, sem samþykkt er í bæjarstjórn, gildir frá og með 1. janúar 2024.

¹Reglugerð nr. 504/1997, um fjárhagslega aðstoð við framfærendur fatlaðra og langveikra barna.

1. gr.

Fyrir stuðningsþjónustu á vegum Mosfellsbæjar skal greiða gjald, sem nemur 2.305 kr. á klukkustund. Elli- og örorkulífeyrisþegar greiði gjald sem nemur 1.062 kr. á klukkustund.

Gjaldskráin skal taka breytingum 1. janúar ár hvert í samræmi við breytingu á neysluvísitölu.

2. gr.

Undanþegnir gjaldskyldu vegna stuðningsþjónustu skulu þeir sem ekki hafa aðrar tekjur en ellilífeyri/örorkulífeyri og óskerta tekjutryggingu.

Lífeyrisþegar greiða aldrei hærra gjald fyrir félagslega heimaþjónustu en sem nemur 75% af tekjum umfram lífeyri, eins og hann er skilgreindur hér að framan.

3. gr.

Fjölskyldunefnd er heimilt að gefa eftir hluta greiðslu fyrir veitta stuðningsþjónustu eða fella greiðslu alveg niður. Skal þá tekið tillit til efnahags og annarra aðstæðna.

4. gr.

Gjaldskrá þessi er sett samkvæmt lögum nr. 40/1991 um félagsþjónustu sveitarfélaga og gildir frá 1. janúar 2012.

Upphæðir í gjaldskrá þessari, sem er samþykkt af bæjarstjórn Mosfellsbæjar, gildir frá 1. janúar 2024.