Systkinaafsláttur

Samþykkt um systkinaafslátt hjá Mosfellsbæ

1. gr.
Foreldrar og forráðamenn systkina er njóta/ nota þjónustu dagforeldra, leikskóla og frístundaselja Mosfellsbæjar geta sótt um systkinaafslátt svo sem í samþykkt þessari greinir:

2. gr.
Systkinaafsláttur er samræmdur fyrir börn á stofnunum bæjarins og er svofelldur.

Fyrir fyrsta barn greiðist fullt gjald samkvæmt gjaldskrá viðkomandi stofnunar

Fyrir hvert barn umfram eitt er veittur 50% afsláttur

3. gr.
Afslátturinn skal þannig reiknaður að afláttur skal alltaf vera fyrir elsta/u systkinið/in.

Sótt er um afslátt af vistunargjaldi eldra/elsta barns og er veittur afsláttur af gjöldum vegna þess. Afslátturinn tekur gildi í mánuðinum eftir að umsókn hefur borist.

Greitt er fullt gjald fyrir yngsta barnið.

Systkinaafsláttur er veittur af grunngjaldi leikskóla.

Ekki er veittur systkinaafsláttur í frístundaseli af fyrstu 4 tímum í hverri viku en af hverri stund þaðan í frá.