Heilsuklasi í Mosfellsbæ

Nýjustu fréttir um heilsuklasann:

Fjölmennur kynningarfundur um stofnun heilsuklasa

HeilsuklasiVel heppnaður kynningarfundur um stofnun heilsuklasa í Mosfellsbæ var haldinn í gær. Alls mættu um 60 á fundinn og á fimmta tug rituðu undir viljayfirýsingu um að taka þátt í stofnun heilsuklasans. Mikil samstaða var
Lesa meira um Fjölmennur kynningarfundur um stofnun heilsuklasa

Almennt um hugmyndina að stofnun heilsuklasa í Mosfellsbæ:

Hugmyndin að stofnun heilsuklasa í Mosfellsbæ er að hagsmunaaðilar í Mosfellsbæ ásamt tengdum aðilum, taki sig saman um að móta klasa sem byggir á  þeirri þekkingu og reynslu sem samfélagið í Mosfellsbæ býr yfir á sviði endurhæfingar og heilsueflingar.

Kynningarfundur um stofnun heilsuklasa í Mosfellsbæ verður haldinn fimmtudaginn 4. mars í Listasal Mosfellsbæjar kl. 20. Vinsamlegast skráið þátttöku í Þjónustuveri Mosfellsbæjar í s. 525 6700 eða með tölvupósti á mos[hja]mos.is

Markmið er að virkja Reykjalund, sem er ein þekktasta og rótgrónasta endurhæfingarmiðstöð landsins og alla aðra smærri aðila í bænum til samstarfs um uppbyggingu klasa sem snúast mun um endurhæfingu og heilsueflingu á Íslandi, með áherslu m.a. á eftirfarandi:

1) Fyrirbyggjandi heilsueflingu og lýðheilsu til þess að koma í veg fyrir heilsutjón og veikindi fólks.
2) Skjóta og góða endurhæfingu og heilsueflingu fyrir þá sem verða fyrir veikindum eða slysum.
3) Uppbyggingu heilsutengdrar ferðaþjónustu.

Heilsu- og endurhæfingartengd starfsemi er meginstoð og styrkur (e. „Core“) atvinnulífs í Mosfellsbæ.  Rúmlega 450 manns  starfa  í þessari starfsgrein í Mosfellsbæ  á haustmánuðum 2009.  Það samsvarar um 10-12 % af vinnufærum íbúum bæjarins.  Án vafa er hægt að stórefla þessa grein með markvissu samstarfi þeirra fyrirtækja sem starfa í greininni, tengdum greinum og sveitarfélagsins.

Tilgangurinn með stofnun heilsuklasa í Mosfellsbæ Tilgangurinn með samstarfinu er að koma á laggirnar klasa til að byggja upp og efla alla starfsemi  og þekkingu  á sviði heilsueflingar, heilsuræktar og endurhæfingar í Mosfellsbæ. 

Markmið

Að tvöfalda umfang heilbrigðisstarfsemi í Mosfellsbæ með því að taka upp og fylgja eftir stefnu sem kveður á um að Mosfellsbær verði miðstöð heilsueflingar og endurhæfingar á Íslandi.  Klasinn spili lykilhlutverk í uppbyggingu og framgangi þess. 

Stefnt er að því að a.m.k. 500 ný störf verði til í sveitarfélaginu í heilbrigðisþjónustu og tengdum greinum.  Þessi starfsemi verði jafnframt grunnstoð undir aðra starfsemi s.s. veitingarekstur,  bakarí , matvælaframleiðslu, ferðaþjónustu og fl. í Mosfellsbæ.  Farið verði út í uppbyggingu á svæðinu eftir því sem þarf, en jafnframt verði stefnt á að nýta betur þau mannvirki sem þegar eru til staðar.    

LæknirDæmi um verkefni fyrir heilsuklasann:

1. Koma á samstarfi við PrimaCare varðandi möguleika tengda uppbyggingu sjúkrahúss, hótels auk annarrar starfsemi sem tengist því.

2. Laða að fyrirtæki í heilsutengdri stafsemi og koma upp sameiginlega aðstöðu fyrir þau sbr. Orkuhúsið í Reykjavík

3. Vinna að hagkvæmari lausnum sem aðilar innan klasans geti boðið heilbrigðisyfirvöldum á sviði heilsueflingar og endurhæfingar.  Þetta verði gert í samstafi við aðila eins og Reykjalund.

4. Skipuleggja, þróa og samræma heilsutengda ferðaþjónustu innan Mosfellsbæjar með því að nýta sóknarfæri varðandi gistingu, veitingastaði og kaffihús, söfn og fleira í heilsutengdri ferðaþjónustu

5.    Kynna / þróa möguleika til heilsutengdrar búsetu í Mosfellsbæ

6.    Byggja upp þekkingu á heilsueflingu, lýðheilsu og forvörnum í samstafi við Framhaldsskólann í Mosfellsbæ

7.    Kynna heilsubæinn Mosfellsbæ sem miðstöð heilsu- og endurhæfingar á Íslandi og þá möguleika sem bjóðast aðilum sem vilja starfa á því sviði í bæjarfélaginu.    

Læknir

Hagsmunaaðilar

Dæmi um hagsmunaaðila sem gætu komið að verkefninu og verið þátttakendur í klasanum:
•    Mosfellsbær
•    Reykjalundur, Múlalundur og Skálatún
•    PrimaCare

•    Fyrirtæki á svæðinu:
o    Matvælafyrirtæki s.s. á sviði alifuglaræktunar, grænmetisræktunar, bakarí og fl.
o    Ferðaþjónustuaðilar, veitinga- og gististaðir,
o    Verslanir og þjónustuaðilar  o.fl.
o    Söfn, menninga- og listastofnanir

•    Heilsufyrirtæki, fjárfestar og sjálfstætt starfandi fagaðilar í heilbrigðisstarfsemi og tengdum rekstri
•    Landeigendur á svæðinu (Helgafellsbyggingar, Leirvogstunga o.fl.)
•    Framkvæmdaraðilar, hönnuðir og iðnaðarmenn og tengdir aðilar
•    Heilbrigðisráðuneytið
•    Háskólar
•    Íþrótta- og félagasamtök á svæðinu (Afturelding, Hörður, Kjölur, o.fl.)
•    Nýi framhaldsskólinn í Mosfellsbæ
•    Tryggingafyrirtæki
•    Líkamsræktarstöðvar á svæðinu
•    Íþróttamiðstöðvarnar  í sveitarfélaginu
•    Ráðgjafa- og þekkingafyrirtæki (stór og smá) á sviði heilsueflingar og lýðheilsu    

Tími

Lagt er til að fyrri hluti ársins 2010 verði nýttur til að fullmóta hugmyndina, kynna hana og fá hagsmunaaðila að verkefninu.  Uppbygging atvinnustarfsemi í tengslum við verkefnið ætti að geta skilað strax árangri árið 2010.  Sérstakur kynningarfundur verður haldinn 4. mars 2010.    

Verkefnisstjórar undirbúningsvinnu:

Jón Pálsson  jon[hja]ans.is  s. 664 2802
Sævar Kristinsson  sk[hja]netspor.is   s. 824 2424
Sigríður Dögg Auðunsdóttir sigridurdogg[hja]mos.is    s. 525 6708